БОЙЛАР ҲАМ ЙИҒЛАР.

Яланғоч туғилган бир гўдак биғлар,
Овози фарзандсиз юракни тиғлар.
Фалакка бир боқсанг
ойда ҳам доғлар,
Йиғлама ғарибим бойлар ҳам йиғлар.
Йўқни йўқламаслар,қайда саҳоват,
Сарой барпо қилар,чекмай машаққат,
Давлат бўлса бордир,борми ҳаловат,
Йиғлама ғарибим,бойлар ҳам йиғлар.
Ҳеч кимса жаҳонга бўлолмас устун,
Ким кимҳоб кияр,ким усти юпун,
Югуриб топганинг қолади бир кун,
Йиғлама ғарибим,бойлар ҳам йиғлар.
Ҳаром еган фарзанд,ёшликда ҳалво,
Катта бўлганда кўр,бошга минг бало,
Белинг букилганда,ҳар куни ғавғо,
Йиғлама ғарибим,бойлар ҳам йиғлар.
Синовли дунё бу ,тарози тенгмас,
Одам бўлиб фақат,яшай олсак бас,
Қўй қилма мол-мулкка ружу ва хавас,
Йиғлама ғарибим,бойлар ҳам йиғлар.
Шайтонлар инсондан дарс олади,жим,
Ота ҳовлисидан қувилар етим,
Меросхўр акалар,укага ғаним,
Йиғлама ғарибим бойлар ҳам йиғлар.
Кафаннинг чўнтагин кўрганлар борми?
Амаллар,савоблар
сафарга ёрми?
Шоҳ Искандарнинг суяги ҳорми?
Йиғлама ғарибим бойлар ҳам йиғлар.