Предыдущая публикация
Беш кунлик дунё дея,
Таърифланар бу дунё
Умр йўли нақд бешга
Бўлинган эмиш гўё
Биринчи кун гўдаклик,
Иккинчи кун болалик
Учинчи кун ўсмирлик,
Тўртинчи кун етуклик.
Ўтган кунлар ҳисобин,
Қилмоқликка арзирлик
Умрнинг сўнгги куни
Бўлар экан қарилик.
Биринчи кун, бошлар йўл,
Гўдакликда, қўлма-қўл
Кунларнинг энг қисқаси,
Келар болалик саси.
Болаликда подшоҳмиз,
Айтганимиз муҳайё
Биздан фақат борлиқни,
Англаб билиш кифоя.
Учинчи кун ўсамиз,
Қанот боғлаб учамиз
Катта бўлиш ишқида,
Ўсмирликдан кечамиз.
Тўртинчи кун етуклик,
Гуллаган вақт, тетиклик
Онг ҳар ишга етгулик,
Келмас сира кетгулик.
Охирги кун якуний,
Кетарга лойиқ, қулай
Тўкилганда куч, илик,
Бошланаркан қарилик.
Умр йўлин зиёси,
Асло эрта сўнмасин
Ҳар инсоннинг дунёси,
Беш кундан кам бўлмасин.
Бардам бўлинг биродар,
Ҳали кўп тонглар отар
Бу беш кунлик дунёда,
Бахтлар топинг зиёда!
Следующая публикация
Нет комментариев