Предыдущая публикация
Erkak umri ertakka o'hshar,
Birda boru birda yo'q doim.
Yigirmami yo yetmish yoshar,
Er boshini egma Hudoyim.
Omadingni qizgonma aslo,
Qizgonmagin mehringni doim.
Sinov dunyo sinagin ammo,
Er boshini egma Hudoyim.
Yuragimda bor o'tli nido,
Farzandidan qilmagin judo.
O'tinchim shu ey qodir Hudo,
Er boshini egma Hudoyim.
Yomon ko'zdan asra qizlarin,
Qaro qilib qo'yma yuzlarin.
Tingla ojiz bandangni zorin,
Er boshini egma Hudoyim.
Yori bo'lsin unga vafodor,
Qalbiga hech bermasin ozor.
Bo'lmasin bu dunyolaring tor,
Er boshini egma Hudoyim.
Bu o'y dilga hadik soldida,
Tinglla o'zing qilgan nidoyim.
Vatanining elning oldida,
Er boshini egma Hudoyim.
Navzod Hamro
Следующая публикация
Нет комментариев