Предыдущая публикация
So'zlarimni eshit, tingla jim,
Dilga toshdek botmagin bo'lam,
Mehnat qilib o'lmagan hechkim,
Vataningni sotmagin bolam.
Senga oq yo'l, asrasin Olloh,
Yuragi tosh qotmagin bolam.
Bir gunoh bor, bir ogir gunoh,
Vataningni sotmagin bolam.
Yomonlikdan asra o'zingni,
Ko'r qilmasin boylik ko'zingni.
Qaro qilib oyday yuzingni,
Vataningni sotmagin bolam.
Ko'rdim qancha vatanfurushni,
Yuragimga to'ldirdi alam
Sababchisi shular urushni,
Vataningni sotmagin bolam.
Qayda bo'lsang sog bo'l omon bo'l,
Har ishdaki bir Haq tomon bo'l.
Nopoklarga aslo berma qo'l,
Vataningni sotmagin bolam.
Qaytishingni Hudodan so'rab,
Yo'l kutaman yo'linga qarab.
Lek yodingdan chiqmasin bu gap,
Vataningni sotmagin bolam.
Gunohlarga botmagin bolam,
Vataningni sotmagin bolam.
Navzod Hamro
Следующая публикация
Нет комментариев