Предыдущая публикация
Sochingizga qor yogibdi, qaramabman,
Mehrimga zor zor yogibdi, qaramabman.
Mendan ko'ngli yiroqlarga ko'ngil berib,
Onaginam, sizdan ko'ngil so'ramabman.
Meni ko'nglim ko'k dalada uchgan tulpor,
Hayollarim topib quchganlari dildor.
Uzr ming bor uzr ming bor uzr ming bor,
Onaginam, sizdan ko'ngil so'ramabman.
Bunyod etib yaratdingiz jahonimni,
Umr berib so'ramaysiz bir onimni.
Bir qo'ngiroq qiynarmidi hamyonimni,
Onaginam, sizdan ko'ngil so'ramabman.
Qayda bo'lsam omonligim bahtdir sizga,
Hatto yahshi yomonligim bahtdir sizga.
Doim omon bo'ling deya bahtimizga,
Onaginam, sizdan ko'ngil so'ramabman.
Poyingizga boshim uray izn bering,
Izlaringiz ko'zga suray izn bering.
Ko'nglingizni kuzin bering kuzin bering,
Onaginam, sizdan ko'ngil so'ramabman.
Ko'nglingizni yoring men ham kongil yoray
Ko'nglingizni gulga o'ray, gulga o'ray.
NAVZOD HAMRO
Следующая публикация
Нет комментариев