Санаалар тынбай, дайрадай болуп агылып,
Кайгынын күүсү жүрөктө турат жаңырып,
Таба албай арга, олтурам жалгыз ойлонуп,
Турмуштан эмес, сүйүүдөн турам кайгырып.
Сызылам ичтен, көөдөндөн муңдуу ыр чыккан,
Сезимим ичте, кыйналып байкуш тумчуккан.
Кетким бир келет жанашып алып жалганга,
Көңүлүм калды, чарчадым чындап чындыктан.
Сүйүүмө түшүп, жамгырлуу түндө чагылган,
Түгөнүп барат, калбады аргам сабырдан.
Күйүткө батып алсырап улам баратам,
Армандуу күндөн кайышып турат кабыргам.
Көп нерсе келет, ар убак менин оюма,
Барсам да кайда тоскоолдук болот жолума.
Көз көргүс жакка кетейин деймин жер кезип,
Ала кап илип, ак таяк кармап колума.
Үшүймүн кээде, алоолоп тийген ыссыктан,
Ысылайм сууктан, кысылып демим тумчуккан,
Чыдабай барам, түгөнүп калды амалым,
Чыксам дейм кетип, тагдырым чийген сызыктан.
Көз жашым кээде, каламын такыр тыя албай,
Уубу же балбы, сүйүүнү турам биле албай.
Аргасыз эмес жөн гана жашап келемин,
Жүрөктө жүргөн асылкеч жанды кыя албай.
Чындыгын айтсам жөн гана жашап келемин,
Жүрөккө каткан жароокер жанды кыя албай.
Автор: Жыргалбек Усенов 16.07.2024
23:18 Москва
Присоединяйтесь к ОК, чтобы подписаться на группу и комментировать публикации.
Комментарии 7
Олоюн десем жан таттуу
Кирейин десем жер каттуу .деген экен
Айла жок куну суун бутпосо тегирменден тируу чыгасын.бул жашоодо ден соолук болсун акыркы минутага чейин алты санын аман он эки мучон толук болсо эч арман жок .ден соолугу жарды бир кун болсо да жашайын деп канчалаган инсан журот кудайдан тиленип .Ар бир адам бактылуу болсун