Предыдущая публикация
Щамсуддиин Бин Хизри, нижер херэмен.
Жакъа дур бицине ихтияр кьун те.
Гьанжелъаг1ан лъач1о щибго дур х1акъалъ. Лъарабго вокьана мавлид гьабуна.
Дур берцинал лъимал, лъимазул лъимал, Наслу г1емерлъана, квешал лъаларо. Квешаб заманаялъ иманги ц1унун, ислам рич1алъидал рахчун рук1ана.
Ислам биччарабго, гьеб ккун рорхана,
Рорхарабго ц1ехон, Мун Г1алим лъана.
Шайихзабазул мурид, Мун якъинлъана,
Дур тирилъи нижей ц1акъго бокьана.
Аллаагь гьеч1ин абун, куфру бук1индал,
Киналго г1алимал гъурун лъуг1идал,
Нуж мутаг1илаз г1елмуги ц1унун,
Берцинго малъана, нужер наслуял.
Гьабсаг1ат ригьназул бугеб пасалъи,
Ригьин гьабун зах1мат, биххун бигьалъи
Дуца т1орит1ана анц1гог1ан лъимал,
Гьез ригьнал ц1унана, ч1ух1ун хьвадич1о.
Дуца рекъел гьабун росу ц1унана,
Чан барщун, рагъулел, рекъезаруна.
Дагъистан чичанал гочараб мехалъ,
Гочараб росуго, ц1унун нахъ щвана.
Устарасги дуда, тащХизри нуг1лъун,
Вач1инч1ониги мун, г1урав вугоян,
Берцинго даража бихьизабуна,
К1иявго вирдал, кьун нухда рег1ана.
Инсуца бицана, Щамсуддиин щведал,
Эвгун сардал рорч1ун, гьесда г1енеккун
Киг1ан заман бахъун ниж ругониги,
Ц1акъго бокьулаан г1енеккун ч1езе.
Рокъоб жамаг1атгун какалги рана,
Х1укуматалъул хъулухъ, гьебги гьабуна.
Бикъич1о хъамич1о, пайда гьабуна,
Жинцаго хъулухъги нахъеги кьуна.
Дур к1игог1ан ясал холеб мехалда,
Аллаагь рехсолаго, гьелги т1урана.
Баркат нижей щваги, жеги г1емераб,
Аллаагьас ц1унаги, ц1унаралг1адин.
Аллаагь разилъаги, ниж ц1акъ роххула,
Гьадинаб наслуялъ раккун ругелъул.
Альх1амду лиЛлаагьи раббильг1ааламиин,
Салат Салам лъеги аварагасда.
Амин.
Следующая публикация
Нет комментариев