Кулиб қарши олмаган дунё,
Не аламинг бор эди менда.
Захрин сочиб толмаган дунё,
Онам қайда, айт Отам қайда?!
Туғулганим жудоликмиди,
Тирик бўлиб сўнганим ёмон.
Қисматимда гадоликмиди,
Бошим тошга қўйганим ёмон!
Не гунохим бор эди ахир,
Балоларинг қўйнида қолдим.
Мен шўрликда қисматим таххир,
Меҳр излаб адашиб толдим!
Қучоғимда ғамлар йиғлайди,
Кимга бўлдим кераксиз бир тош.
Етимликдан жоним бўзлайди,
Икки кўзим, икки дарё ёш!
Нимталанар шу митти жоним,
Гул унмади кўнгил боғимда.
Кимга тутай юракда борим,
Онам қайда, айт Отам қайда?!
Кўп ёшлама кўзчаларимни,
Рахимлироқ бўлгин эй дунё.
Жажигина қўлчаларимни,
Махкамроқ тут азизим дунё!
Майли алла айтма тунлари,
Бошгинамни силасанг етар.
Етимликнинг оғир кунлари,
Балки мендан нарироқ кетар!
Дунё сенга бир ўтинчим бор,
Дерлар сени бағри кенг уммон.
Онам мехрин кўрмоқлик бир бор,
Муштдекгина жонимда армон!
Тушларимга кирган Онамни,
Бир кун кўриб қоларсан дунё.
Ўтинаман етказ ноламни,
Мен тирикман эмасман рўё !
Онажоним бағридан ўзга,
Ҳеч бир нарса менга керкмас.
"Болам".. деган бир оғиз сўзга,
Зорлигимни айтиб қўйсанг бас !!!
Тирик бўлиб сўнганим ёмон....
Бошим тошга қўйганим ёмон...
Присоединяйтесь к ОК, чтобы подписаться на группу и комментировать публикации.
Нет комментариев