Предыдущая публикация
Союз краеведов Дебёсского района
26 сен 2024 в 8:43
Зар-Медла шор ёзо школаын «Вордскем кыл» журналлэн удмурт кыллы дышетонын семьяен ужан амалъёсты вӧлмытонын интыез» семинар ортчиз.
Отчы пыриськизы Дэбес, Кез, Балезино, Глаз ёросъёсысь но Глазкарысь нылпи садын ужась визьнодасьёс, покчи классъёсын ужась дышетӥсьёс но удмурт кылъя но литературая дышетӥсьёс.
Семинарез радъязы Йӧскалык прессалэн юртысьтыз "Вордскем кыл" журналлэн редакциез, Дэбес ёросысь Дышетонъя управление, удмурт кылъя но литературая дышетӥсьёслэн методикая огазеяськонзы но Зар-Медла школа.
Семинаре пыриськисьёс таӵе ужпумъёсъя ужазы:
✅нылпиослы анай кылэз пыӵатон ласянь семьяен ужез радъян;
✅семьяен лыдӟиськон но пиналъёслы удмуртлыкез пыӵатон;
✅семьялэн нылпиослы удмуртлыкез пыӵатонын электрон "юрттӥсьёсыз".
Озьы ик куноос удмурт культурая «Зарни Медло» центре вуылӥзы, солэн уженыз тодматскизы, концерт учкизы.
Источник: «Вордскем кыл» журнал / Журнал «Родное слово»
Следующая публикация
Нет комментариев