Предыдущая публикация
ДИЛДОРГА НОМА ЁЗДИМ
------------------------------------
Гул бўйларини боғдан
Келтирган эй, шаббода,
Дилдорга нома ёздим,
Еткур уни ҳавода.
-------------------------
Еткур уни ва лекин
Кўнглига кайғу солма,
Шарҳи дилим этарда
Бўлсин тилинг навода.
------------------------------
Ҳасрат тўла сўзингдан
Озор топар нигорим,
Рамзи ишора бирлан
Қилгин уни ифода.
--------------------------
Гулбарги лолани элт,
Қўйгин қадаҳ ёнига,
Юз ҳажрида юрак кон
Мисли кадаҳда бода.
----------------------------
Барги хазонни олиб
Ёнига кўйгин-у айт:
Бу ошиғинг юзи деб
Ҳижрон деган балода.
------------------------------
Гул шохидан тикан уз,
Гулбарги лолага санч,
Кўксимга тиғ урайми,
Ҳеч колмади ирода.
---------------------------
Саҳро ғуборидан элт,
Ҳозирлигимни билсин
Мен дашти Карбалони
Кезмоқка ҳам пиёда.
----------------------------
Бир тола кипригимни
Элтиб оёғига қўй,
Бедор кўзим йўлида
Ҳар шом ила сабода.
-----------------------------
Дилдорга нома ёздим,
Еткур ўзинг, мен ожиз,
Гул бўйларини боғдан
Келтирган эй, шаббод
Следующая публикация
Нет комментариев