Предыдущая публикация
Мени севинг борлигимча.
Сизга раво ёрлигимча.
Озроқ феълим торлигимча.
Меҳрларга зорлигимча.
Мени севинг борлигимча.
Қисмат хато кетди деманг.
Сендай ношуд битди,деманг.
Эссиз умрим ўтти деманг.
Мени севинг борлигимча.
Ўзгаларни олов билманг.
Юрагимни бўлди,тилманг.
Хаста ҳолман,пинхон кулманг.
Мени севинг борлигимча.
Ҳар гулнинг ўз ифори бор.
Совуқ қишнинг баҳори бор.
Кўп асал ҳам, заҳари бор.
Мени севинг борлигимча.
Чандон чирой менда йўқдир.
Нафси дунём шукр,тўқдир.
Бу сабрлар,чархи ўқдир.
Мени севинг борлигимча.
Атиргулда тикон бўлар.
Лек ҳидласа кўнгил тўлар.
Тоқат билан тақдир кулар.
Мени севинг борлигимча.
Мухаббатим хазон қилманг.
Қадрларим арзон қилманг.
Бунча бағри ларзон бўлманг.
Мени севинг борлигимча..
Следующая публикация
Нет комментариев