Предыдущая публикация
***
🤔
Нега?
Кўзларингда ёшларинг қалқир,
Недан безовтасан ором бузилган.
Қара, олам бугун фусункор ахир,
Недан кипригингда маржон тузулган?
🤔
Нега?
Саволимга жавоб баён эт,
Исён кўтармишлар ичингда бурон.
Аскардек сўроқлар келар кетма-кет,
Дардларга келтирсанг бўлмасми, қирон.
🤔
Нега?
Жавобларинг шунчалар олис,
Жимгина кузатиб йиғлаб турибсан.
Бўлмасми, ғамлардан бўлмоқлик холис,
Тентираб девона мисол юрибсан.
🤔
Нега?
Нима сенга қилмоқда алам,
Ҳеч нарса қизиқмас, кулгуларинг йўқ.
Дейсанми, тушунмай сўрама нолам,
Ахир соғиндимда юришларинг, шўх....
🤔
Следующая публикация
Комментарии 1