Мархабо Каримова шеъри....
😄😄☺️☺️☺️☺️
Болаларни тўйдирдиму,
Ётоғига жойладим,
Хайит қилиб, қўлларимга,
Шу тун хна бойладим.
Дедим: - Бугун синаб кўрай,
Ҳафсалаю сабримни,
Болаларнинг дадаси ҳам
Кўриб қўйсин, таъбимни.
Хна ахир бизлар учун,
Момолардан меросдир,
Билмам, нега унга ҳозир,
Аёллар бе ихлосдир.
Бу фикримни ногоҳ бўлди,
Жавраб кириб, хўжайин,
Бир тугмаси бўшаб қопти,
Йўл-йўл батис кўйлагин.
Боғлиқ икки қўлим билан,
Келтирдим ипу игна,
'Хна бор " деб, узр айтиб,
Қараб турдим жимгина.
У-чи, сўзсиз лаънатлади,
Бир хнамни, бир мени,
Тажанг бўлиб, узоқ тургач,
Кўлга олди игнани.
Мени яна хаёл тортди:
Сабр этиб бутун тун,
Тонгда очсам кўлларимни,
Кафтим бўлар лолагул.
Бу фикримни энди бўлди,
Дадамизнинг "вой, дод!"и,
Уйдан хатто қўшниларга,
Эшитилди фарёди.
Дедим: - Ҳай. ҳай, нима бўлди?
Деди: - Вой, вой, жон чиқди!
Игна кирди жимжилоққа,
Мана кўргин, қон чиқди!
Иситмам ҳам чиқса керак,
Ўлчагич қўй, қўйнимга,
Қўлгинамни секин бойлаб,
Осиб қўйгин, бўйнимга.
Рози бўлгин мендан хотин.
Ўлиб қолсам бўлма лол,
Кўз ёшингни арту ўтир,
Васиятга қулоқ сол.
Жон чиқарда тилдан қолсам.
Қуриб қолса томоғим.
Оғзимга оқ пахта билан.
Сув томизгин, уч томим.
Болаларни ўкситмагин,
Эҳтиёт бўл ўзингга,
Сен бевасан, сурма-пурма.
Қўйиб юрма, кўзингга!
Видолашдик, у ўлимни,
Эснаб-эснаб, кўп кутди,
Сўнг кўрпага бурканди-ю,
Бармоғини унутди.
Эс-ҳушимни йиғиб секин,
Қўлга олдим игнани,
Қадаб қўйдим кўйлакдаги,
Бўшаб қолган тугмани.
Қайда қолди қўйган хнам,
Сурган ширин хаёллар,
Охир билдим, нега хна,
Қўймас ҳозир аёллар.
Присоединяйтесь к ОК, чтобы подписаться на группу и комментировать публикации.
Комментарии 1