GULNORA

Xijron vujudim chaqar,
O'kinchlar ko'ksim yoqar.
Ko'zimdan yomg'ir yog'ar,
Sani eslab, sani eslab...
Yoshlik asli bir davron,
Ruhimda kezar to'zon.
Socharman dilga hazon,
Sani eslab, sani eslab...
Qalbni o'rtar afsuslar,
Nigohim seni izlar.
Ko'z yoshlarim yulduzlar,
Sani eslab, sani eslab...
Omonmisan Gulnora,
Yurak bag'rim ming pora.
Ko'rgim kelar bir bora,
Sani eslab, sani eslab...
Sog'inch chin ishq sababi,
Nafrat sevgi g'azabi.
Yig'laysanmi man kabi ,
Mani eslab, mani eslab...(SH J)