Azərbaycan tarixində görkəmli hökmdarlar çox olmuşdur: Atabəy Şəmsəddin Eldəniz, Şirvanşah I İbrahim, Qaraqoyunlu Qara Yusif, Ağqoyunlu Uzun Həsən, Nadir şah Əfşar və b.
Lakin onların heç biri xalq yaddaşında sevgi ilə qalmağa nail olmamışdır. Xalqımızın hafizəsi, genetik kodu sayılan folklorumuzda yalnız iki padşahımız və hər ikisi də müsbət anlamda özünə yer tutmuşdur: bunlardan birincisi Şah İsmayıl, ikincisi isə onun nəticəsi I Şah Abbasdır.
Şah İsmayıl Səfəvi öz şəxsində çoxşaxəli fəaliyyət sahələrini birləşdirmiş, sıradan bir hökmdar, sıradan bir şair və sıradan bir sərkərdə olmamışdır. Bütün bunlarla yanaşı, o, həm də mənəvi öndər – mürşid-i kamil statusuna malik idi. Məhz bu keyfiyyətləri səbəbindən Şah İsmayıl 500 ildir ki, xalqın yaddaşında və qəlbində canlı olaraq qalmaqda, Yaxın və Orta Şərqə səpələnmiş müxtəlif Ələvi-qızılbaş toplumlarının ayinlərində müqəddəs bir şəxsiyyət kimi anılmaqdadır. Əməlləri yaddaşlarda, şeirləri, deyişləri və kəlamları dillərdə, sevgisi könüllərdədir.
Dünya tarixində Şah İsmayıldan savayı heç bir padşah ölümündən yüzillər keçdikdən sonra milyonlarla insanın gözündə sevgi obyekti və müqəddəslik simvolu kimi qalmağı bacarmamışdır....
Присоединяйтесь к ОК, чтобы подписаться на группу и комментировать публикации.
Нет комментариев