Предыдущая публикация
Стишок на коми.
Осилите ?))
ДЫШЛАДОР
Эм деревня Югыт Шор.
Сэтчин олö дед Егор.
Сылö восемьдесят год,
Но здоровöй эшö морт
И уджавны эз дугдыв на,
Вермö йöктыны и сьывны.
Шуны веськыта: старик
Мöдiк томся кадын дзик.
Эм стариклöн Петя внучек,
Абу ни öддьöнсö учöт.
Петя ветлö первöй классö,
Зэв радейтö и котрасьны.
Вот сибалiс рыт бöра,
И шоччисьны ни пора.
Но Егорлöн сотчö би:
Дедко вочö важ пими.
Кутчис удж бердö и внучек.
Ветлö киас сылöн ручка.
Гижö зоночка тетрадьö,
Гижö басöка и радöн.
Но не пыр, кыдз талун, петö:
Кöр и асныралö Петя.
Кутö зоночкаöс дыш,
Оз бы строчка лыддьöтышт.
Дед сэк Петялань дзарнитас,
Синнас хитрöя мигнитас,
Пондас сказкаэз висьтасьны,
Кöднö пыр думайтö ачыс:
«Эм страна сэтшöм Дышладор.
Сiя тасянь абу матын.
Но желайтан — верман сюрны.
Отир сэтчин олö бура.
Каждöй мортыс сэтчин дыш,
Синöн век оз кер кваркыш.
Кöть и оз уджавлö век,
А быд мортыс дзик яймек.
Нылö дöс кымöрсянь усьö.
Горын шыд пыр ачыс пусьö.
Ыббез вылын басöк шогдi
Годiсь годö кöдзтöг шогмö.
Вундыны оз ковсьы сiйö:
Быд тусёкыс кока, киа,
Ачыс мельницаö лэдзчö,
Он казяв, кыдз пизьö пöртчö.
Дышладорын абу мöссэз,
Йöв гумалöны öшмöсiсь.
Абу сэтчин магазиннэз,
А конфеттэз озö чинлö.
Челядёклö уна паныт
Локтö вöрись быдкодь пряник.
Кöззэз вылын — не голиэз,
А кеписсез да чаркиэз.
Тöв кежö кö абу пасьыт,
Только эта йылiсь казьты,
Сразу тэ дын локтас пась.
Эн дышöтчы лишь, пасьтась.
Книга оз лыддьöтö сэтчин,
Гижны вексö оз велöтчö.
Школа эз тöдлö некöр,
Но а знаннёэз — чукöр.
Каждöй морт сэтчин учёнöй,
И быдöн понда закон эм:
Талун узин кö лунтыр —
Век богатствоыт оз быр.
Вот кытшöм эта страна.
Может, мунан сэтчин, а?»
Петя дедлö: «Эн бöбöтчы!»
И пызан дынö сибöтчö,
Босьтö книга и тетрадь
И кузьрыт лыддьöтны рад.
©Гижис Михаил Вавилин
Источник: ВК, Кывбуррез.
Следующая публикация
Комментарии 5