Предыдущая публикация
Мый йӧратем шке шочмо ялым
Марий Кужер, ял лӱмымат
Ялна воктен йогалтше вӱдым
Ировка эҥер,тыйымат.
Эҥер вес могыр Шорӱмбалым
Саска чот шочшо чодырам
Саска погаш кошташ логалын
Ировка вӱдым,келын лекташат
Эр ӱжара,Шорӱмбал ӱмбачын
Саска погаш мемнам ӱжеш
Касвелыш кече тайналтмеке
Ош тӱтыра ден авалтеш
Стапан Микалын шочмо верже
Марий Кужер,сӧрал ялна
Мурсем йоҥгалт эше сӧралын
Чарнаш ит шоно нигунам
Мый йӧратем,шке шочмо ялым
Пошкудын канде кожымат
Олма пакчашкыже логалын
Шӱлалтын куштылгын южшат
Мый йӧратем шке шочмо верым
Чодырам, пасум, олыкымат
Элнет,Ировкым,вӱд памашым
Йӱаш чот йӱштӧ вудымат
Ялна шеҥгел Элнет чодыраште
Шочеш пеш шуко ош курез
Курымаш пӱнчер ден кожерлаште
Ила чодыра тич янлыкат
Мый йӧратем шке шочмо ялым
Пошкудым,мӱкш тӱшкажымат
Полшаш пошкудылан логалын
Тулаш у мӱйым мыламат
Лава коремын кугумӧрӧ
Шупшалын тӱрвым чевертен
Погалтын снеге,курш тӱр гочын
Шӧр ден кочкашлан,куанен
Заводтайыл пӱнчерлаште
Ӱйвоҥго шондашла шочеш
Кеч соло поҥгым сава дене
Муче ден мӧҥгышкӧ кондаш
Мый йӧратем урем коремым
Куэм,шараҥгым,шолымат
Кошталтын огыл чодырашке
Погашлан шоло поҥгымат
Урем коремын курык серже
Йочам эре шкеж дек вуча
Кава гыч мамык лум вочмеке
Йоча издер ден мунчалта
Мый йӧратем шке шочмо суртым
Ачам,авам ден кугешнем
Ковам,акам,изамым мые
Чылам мый таче мокталтем
Ош йӱксӧ Морко ӱдыр дене
Чоҥалтын икоян ешем
Онарын тукым эргым влакше
Вет улыт мыйын ӱшанем
Мый йӧратем шке шочмо верым
Чодырам,ялемым,олыклам
Йыргешке улшо Шорӱмбалым
Кугезе Сӱрем отынам
Мый йӧратем пошкудо ялым
Ердӱр,Юплань,Кораксолам
Шамьер воктенсе Ерумбалым
Элнеттӱр, Мазиково ялымат.
Пасу чоҥгасе Акпарсшӱргым
Мондаш огеш кӱл нигунам
Мотор Анюк тышакын шочын
Стапан Микалын сай пелаш
Пасушто кушшо тӱрльо шурным
Шарнен чылан йӧратена
Чыла вет тиде,шочмо мланде
Йӧраталме Морко кундемна
Мый йӧратем шке шочмо элым
Москва,Казань,Йошкар-Олам
Марий кундемын сылне верым
Йӧраталме Морко районнам
Пелед,тӱзлане Морко мланде
Марий кундемын сылне вер
Элнам эше чот чапландаре
Эн лишыл,поро Морко вел
28.07.2024 Леонид Гаврилов
Следующая публикация
Комментарии 6