Кодшо курымым эртен

Таче кечыш шуынна
Кызыт курым - коло икыт
Тыгеракын илена
Урем дене ошкеден
Лач лавырам нӧштылына
Ок воч ынде у асфальтат
Оккӱл ынде почтыжат
Медпункт манме пӧртнажат
Улшо школжым рончена
Пужым коҥгаш олтена
Шикшым веле луктына
Илмынам ончыктена
Ялын школышто тунемын
Калык ушым пойдарен
Пиалан эше илаш
Часамлам вел чоҥена
Бизнец центрыш савырена
Кӱшнӧ ыресым ончен
Вуйнам сайын лугена
Шым сортам тӱлен налат
Тулымак чӱктен шындет
Вигак пиалан лият
Шке вел огыл,тукымет
Уныкат ден пошкудет
Йолташ ден тушманетат
Ончык лийшаш тукымет
Чылан лийыт, пиалан
Уке ынде пасужат
Кушкын шушо шурныжат
Уке мемнан идымат
Идым тич у шурныжат
Огеш гӱжлӧ йӱдымат
Пырчым коштен,шыжымат
Ял шеҥгелсе идымжат
Шадаҥ пырчым йоҥышташ
Уке ялын вакшыжат
Кугу подвал манметат
Аралаш пареҥгымат
Ушменым,ковыштамат
Шудо солымо олыкат
Куэ выньыкым куштат
Олык мучко каванжат
Огыт шоч кеҥежымат
Вӱта тич вольыкнажат
Ушкал,ӱшкыж,шорыкат
Презе ден сӧсна игат
Чыве,комбо,лудыжат
Шарналташ веле кодеш
Ӱшкыж ферме йывылдик
Сӧсна фермыжат йок-нет
Имне вӱта шып шога
Ок шинчал шем ожыжат
Йошкар вӱльым ужынат
Имне тер уке ынде
Курыкышто мунчалташ
Ок юарле йоча йӱк
Школ воктен, уремыштат
Мечым чумен куржталаш
Шагал улыт йочажат
Пыртак улшо йочажат
Чылан мӧҥгыштӧ шинчат
Пашам ышташ ӧрканат
Ял урем ден ошкылат
Кок икшывым вашлият
Кӧн икшывыже улат
Манын тыгерак йодат
Рушла веле вашештат
Марий икшыве тылат
Руш йылметым туныктен
Койдаренрак вашештат
Кӧ улметымат мондет
Ачат,ават, тукымет
Илыш кужыт, ӱмырет
Кушко шуын илышна
Мом,ме йоҥылыш ыштышна
Тыгай корныш шуынна
06.04.2024 Леонид Гаврилов