Предыдущая публикация
Яллан мый оза улам
Макым ом пу ниӧлан
Тышке тушко куржталам
Шокшым пуынем чылалан
Шотлан ок тол ниможат
Тулик Вичук суртыштат
Озаланен мый кертам
Электро коҥгамат чӱктем
Шокшо пӧртым ямдылем
Капка ончыкшо лектам
Изи сарым тарватем
Сеҥаш кӱлеш гын мылам
Ӱдыремым каласем
Мемнан ялын курскайжат
Мотор эрге манмыжат
Мыйын лишыл йолташем
Тудым эн чот йӧратем
Сӱрем пайрем кечынат
Йӧратен модаш вашкем
Тыгай “поро” пашалан
Шке жапемым йомдарем
Шӧрын ончат чыланат
Изи дене кугужат
Шыпак шеҥгечем ойлат
Мом ынде кутыркалат
Йоча-влакым модыкташ
Клубышко поген кондем
Тӱрльӧ фотом ыштылам
Интернетыш шындылам
Баянист пеш чот мокта
Грамотым пуаш ойла
Кажне арнян мыланем
Йолташ грамотым воза
Лишемам воштончыш деке
Ош ӱпемым ачалаш
Вачышкем шарен пыштем
Кугыжа ӱдырак лийнем
Барби куклыш савырнем
Баянистым индырем
Пачереш тӱкылен шындем
Арня тӱкылен кучем
Ош каза гай магыртем
Ӱлыл мучашыш волем
Куш пураш ынде шонен
Ял мучаште шараҥгеш
Вашлияле шогертен
Ола тупан шогертен
Каласале ош ӱплан
Илышым пыльген илаш
Кӱлеш илышыш пурташ
Шоҥго марийым муаш
Баянистым пӱтыралаш
Сценышке мураш лектам
Баянистым вашлиям
Шинчам йыштак пӱалам
Сцена шеҥгек шӱдыралам
Оҥышкыжо кержалтам
Уло капшым ниялтем
Баян паҥгам верештам
Пиалан ынде улам
Лектам,шинчам машинаш
Лакым шотлен кудалам
Баянист деке вашкем
Корнем пырт кӱчыкемден
Келге вӱдан лакыжат
Кӱжгӱ шӱшӧ пӧрняжат
Кодыт киен шеҥгелан
Машина шикш ден петырнен
Мый ынде илен моштем
Шукым сырыктен сеҥем
Уке нигӧм колыштмаш
Мый,эше макым пуаш
Нигунам да нигӧлан!
Тӱвыра пӧрт оккӱл мылам
Часамлам вет чоҥенам
Кажне кечын часамлаш
Кумалаш,пурен лектам
Баянист дечын толам
Машинам чот мӱгыртен
Тылди курык корныжат
Нипочём ынде мылам
Йӧратен-модын толам
Бензопилам магыртем
Языкем шылташ тӧчем
Кундемлан оза улам
Макым ом пу нигӧлан!
17.07.2023 Леонид Гаврилов
Следующая публикация
Комментарии 3
Моткоч кугу тудын, д а р!
Ида воштыл ниго́мат
Куктыш кертыт,тыйымат.
Йо́рата гын, мом ыштеэээт?
Тый,тыге ыштен,от керт
Уло гынат кумылет
Алааа,ужат омыштет.