Предыдущая публикация
რა ღირს თქვენი ცრემლი ქალბატონო?
მინდა შევიძინო თქვენი ცრემლი.
სახეზე გეტყობათ სიკეთე,
თვალებში გემჩნევათ სიმართლე
მომყიდეთ თქვენი ცრემლი ქალბატონო.
_ცრემლი იყიდება გულთან ერთად,
ოფლი იყიდება პურთან ერთად,
მომრავლდა ყალბი ცრემლი,ძნელია გარჩევა
ნამდვილი ცრემლები იციან ბავშვებმა.
_მე თქვენი ცრემლები მსურდა ქალბატონო,
ჩემს ცოლს ადრიანად გაუშრა ცრემლი,
სახეზე გემჩნევათ სიკეთე,
თვალებში გეტყობათ სიმართლე
მაჩუქეთ თქვენი ცრემლი ქალბატონო.
_შენი ცოლი ჩემი ცრემლით ვერ იტირებს,
შეხე! ხავსი მოსდებიათ ძველ ქვითკირებს.
სხვისი სანთლით ვერ მიაღწევ ნათლის რიდეს
სხვისი ცრემლი შენ ჟრუანტელს უნდა გგვრიდეს.
თორემ ცრემლი თუ წვიმის წყალს დაემსგავსა
შეიძლება შეიძინო ჩალის ფასად...
Следующая публикация
Нет комментариев