22-қисм.
Гр: 🔥Ҳикоя ва қиссалар 🔥
Муаллиф: Рустамхон.
Тошкент. 2017-йил
Қулоғига урилган азон овоздан кўз очган Алишер дастлаб қаерда ётганини англай олмай ўрнида бир оз карахт ётди. Сунг карахт онгида кеча бўлиб ўтган воқеалар жонланди. Кўзлари ёшли Шаҳноза, мени ҳеч ким йўқ жойга олиб кетинг дейиши...
Йўл юришлари ва ўзининг ўтмиш тўғрисидаги ҳикояси...
Хўрсиниб олган Алишер ётган жойида ағдалиб ўнг томони билан ёнбошлади. Мен унга ўзим ҳақимда гапириб бериб тўғри қилдимми? Баъзи инсонлар бўлади. Ўтмишингни ўтмишдаги хатоларинг гапириб берсанг, ўз кунглида, ожиз инсон ҳисоблаб сенга нисбатан ўзини хукмрондек тута бошлайди. Ундай одамлар назарида унга ўзингни энг ожиз томонингни сўзлаб бериб унга муҳтожлигингни билдириб қўйгансан. Аслида унга ишонганинг учун юрагинг тубига кўмган изтиробларингни сўзлаб берганинг тўғрисида ўйлаб кўришмайди. Шаҳноза ҳам мени ўтмишинимни сўзлаб беришимни ожизлигимга йўйса. Балким у менга ўхшаб ўйлар. Юзига табассум югурган Алишер ўрнидан туриб ҳовлига тушди. Ҳовлидаги водопровод сувини очиб юбориб обдон ювинди. Совуқдан титраб, ияги қалтираб кетса ҳам парво қилмади.
-Мана шу қилиғингиз туфайли томоғингиз оғрир экан-да! Кун совуқлигини кўрмаяпсизми? Ортидан эшитилган овозга бурилган Алишернинг кўзи зинада норози боқиб турган қизни кўрди. Эрта турар эканда. Кунглидан ўтказди.
-Эрталаб оқар сув остида ювиниш одат бўлиб қолган. Жилмайиб дорда ўзи томонидан олиб чиқиб илиб қўйилган сочиқни олди.
-Хўп. Оқар сувда ювинишни ёқтирсангиз ховлида ҳаммом бор экан. Уша ерга бориб ювинсангиз бўлар эди-ку!
-У ерда ҳам совуқ сувку. Нима фарқи бор икки томонда ҳам совуқ сув бўлганидан кейин?
-У ердаги сув иситиш тизимини икки соат олдин токка улаб қўйгандим. Лабини қимтиган қиз бош чайқаб олди. -Кечагина кимлардир иситмаси баландлигидан боши айланиб йиқилиб тушганди.
-Йуғее? Иситмаси баланд бўлса одам йиқилиб тушар экани? Алдаманг!
Алишер вазиятни кулгуга бурмаса, касби ўқитувчи бўлган қиздан яхшигина танбеҳ эшитиб олишини фаҳмлаб кулди.
-Ишонаверинг кўз олдимда йиқилиб тушди. Яна боши айланиб йиқилиб тушай деб турса ҳам мен яхшиман деб дўқ уриб ўрнидан турса бирам кулгум келди.
-Кулмадингизми?
-Йўқ кулмадим. Бош чайқади.
-Нега кулмадингиз? Савол бериш асносида қиз томон қадам қўйган йигит зинада турганча ўзига жилмайиб боқиб турган қизга яқинлашди.
-Чунки, ич ичимдан унга ачиниб турган эдим. Кулишим суъний чиқишидан қўрқдим.
-Қўрқоқмисиз?
-Тақдирга тан берган инсонга икки дунё бир қадам бўлади.
-Сиз тақдирга тан берганмисиз?
-Мен тақдирга қўл силтаганман. У мени устимдан қанчалик кулса, мени ундан ҳам баландроқ кулишни урганганман.
-Кеча оқшомда сиз кулмагандингиз...Сиз кеча кулмадингиз! Ораларида икки зина қолдириб тўхтаган Алишер қизнинг кўзларига тикилди. -Кеча сиз кулмаётган эдингиз!
Сўзларини доно доно қилиб такрорлади. Шаҳнозани ортига чекинади деб кутган эди. Агар у чекинса, ўз ожизлигига харакати билан ишора берган, бу эса Алишерни далиллаштриб эхтимол унинг қўлларидан тутиши, бағрига босиш эҳтимоли бор эди. Аммо у чекинмади. Йигитнинг кўзларига Алишерни мафтун қилган катта катта, чарос кўзларидаги ўйчан нигоҳлари билан боқди.
-Сабр бу инсонни жуда кучли қиладиган туйғу. Ана шу сабр туфайли инсон танасига жуда кўп дардларини беркита олади. Аммо баъзида танага кўмилиб келаётган дардлар сиғмай қолади. Ана шу дардлар танадан кўз ёш бўлиб тукилади. Сунг танада навбатдаги дардлар аламлар учун жой бушайди.
Маюс жилмайган қизнинг оқиллик уфуриб турган нигоҳларидан эсанкираб қолган йигит қизнинг елкаси оша берк эшикка кўзлари тикди.
-Эҳтимол сиз ҳақдириз паст овозда тасдиқлаб бош ирғади.
-Нонушта тайёрламоқчи эдим. Афсуски уйда ҳеч вақо йўқ экан.
-Нонушта тайёрлашга ҳожат йўқ. Ҳозир уйдан чиқамиз. Бу ерда эрталабки нонушта тайёрланадиган кафеларни биламан, уша ерга бориб овқатланамиз.
-Кейинчи?
-Кейин мен сизга бозор қилиб бераман.
-Кейин?
-Кейин, ўзим Тошкентга қайтиб кетаман.
-Кейинчи?
-Кейинми? Оппоқ тиниқ юзга кўз тикди.
-Ҳмм.
-Кейин, сизни жаҳлдан тушиб мени олиб кетинг дейишингизни кутаман.
-Кейин?
-Кейин? Қошларини керди.
-Ҳа.
-Кейин...Мен келиб сизни олиб кетаман.
-Кейин?
-Шаҳнозаа бўлди а? Шумтака болачаларга ўхшаб серсавол бўлманг!
-Баъзи одамлар, сен ожиз вақтингда сенга ёрдам қўлини узатгандек кўринишади. Унга ишониб юрагинг тубига кўмилган изтиробларингни ўзинг сўзлаб берасан, оқибат уша инсон сени ўзинг сўзлаб берган сирларинг туфайли сенга эгалик қилиб олишни исташади. Улар ҳеч қачон ожизлигинг ёки ҳаётингдан нолиб эмас, айнан унга ишониб, уни тушунади деб ўйлаб у билан сирлашганингизни ўйлаб кўришмайди.
Кафти билан соч турмагини сийпалаб тузатган киши бўлган Шаҳнозадан кўз узолмай тикилиб қолган Алишер ичи ичидан хурсанд бўлиб келаётганини ҳис қилди.
-Тинчликми кулаяпсиз?- кўз қириб билан йигитга кулимсираб назар ташлаган қиз ошкор кулиб юборди. -Сизнинг кулгучингиз борлигини кеча кўрибман.
-Кечагачачи?
-Кўрмаган эканман.
-Эътибор кучли-да!
-Айтманг! Алишер ака, мен оч қолдим яна қанча зинада туриб олиб сўз ўйини ўйнаймиз? Назаримда сиз музлаб қолдингиз.
- Йўқ музламадим. Аксинча исидим! Маънодор гап қилган Алишер кўз қисиб олди. –Кетдик! Мен палтомни кийиб чиқай.
Эгнига пальтосини кияётган Алишер кўзгудан ўзига назар ташлаб жилмайиб олди, Мен Ўттиз йиллик ҳаётимда биринчи марта худди ўзимдек фикрлайдиган инсонни учратдим. Айнан бир хил фикрлар экан. Тилим боғлангандек тикилиб қолишдан ўзга иш қўлимдан келмади. Ундаги хотиржамлик хар қандай олов эркакни бостириб қўя олар экан. Мен бир нарсани билишим керакда. Нега кеча йиғлади? Гапларига қараганда оиласида муаммо бор. Қандай муаммо бўлиши мумкин? Дадаси чет элди. Онам бетоб девди. Келиним билан яшамиз деганмиди. Ё келини ҳалигидек заҳаргинамикан? Тилидан заҳари чаккиллаб томиб турадиганлар бўлади-ку. Шунақаларданмикан?
-Хўўш машинасини бошқариб кетаётган Алишер Шаҳнозага кўз ташлаб олди.-Мана бу томонда бир зумда деган кафе бор. Истаган тез пишар нарса топилади. Таомномаси унчалик бой эмас. Қайнатилган тухум , ширгурунч, бефиштекс топилади. Ичишга чой, кофе бор. Бўладими?
-Бўлади. Телефонини ёқиб, келган хабарларга кўз югуртираётган қиз, телефонидан бош кўтармай жавоб қайтарди.-Уйдан кетсанг ҳам тинчлик йўқ!-пичирлаб олиши қулоғига урилган йигит ялт боқди.
-Нима гап тинчликми? Қизнинг жахл билан қимтилган лабига ишора қилди.-Лабингиз бурилиб кетди.
-Тинчлик. Сизни овворагарчиликдан қутқармоқчиман.
-Яъни?
-Сиз билан бирга қайтаман.
-Жуда яхшида! Тушдик. Юр. Кафе томон имлади. -Бу ер унақа ҳашаматли эмас. Аммо овқатлари ширин. Олдинга ўтиб йўл бошлаган йигит машина ёнида туриб қолган қиз томон угрилди.-Юрмайсанми?
-Менда бир савол туғилди. Олдинга ўтиб кафе ичкарисига кирган қиз Алишер томон бурилди.
-Эшитаман.
-Овқат айтайлик кейин айтаман.
-Нима ейса..ейсиз?
-Ширгуруч.
-Унда иккита ширгурунч. Ичишгачи?
-Кофе.
-Хўп. Юр мен билан бу ерда ўзига хизмат кўрсатиш кофеларни олиб келасан.
-Тавба,- бошини чайқаб олган қиз кофе сотувчи томон кетди. Тавба, қизиқ табиати бор экан. Бир қараса сизлайди. Бир қараса сенсирайди. Бир қараса ўта илтифотли. Бир қараса ёнида қиз бола эмас дўсти тургандек гапирар экан.
-Мана кофе! Йигитнинг олдига ўзи билан олиб келган кофени “тарақ! эткизиб қўйди.
-Ҳа домулло тинчликми? Қўлидаги қошиқни қоғаз салфетка билан артаётган Алишернинг бир қоши кутарилиб қиз томон бурилди.-Бу дейман идиш қўлингиздан сирпаниб кетди?
-Узр. Шошилдим шекилли. Кулиб олган қиз Алишернинг қаршисига ўтирди.
-Ол ёқимли иштаҳа. Артиб бўлган қошиғини Шаҳнозанинг тарелкасига суянтириб жойлаб овқатга имо қилиб олган Алишер навбатдаги қошиқни артиш учун қўлига олди. Ол бошлайвер менга қарама!
Қизни қошиқни олмай жим ўтиришини кўриб илтифот қилди.-Олавер. Айтмоқчи саволим бор дегандингиз?
-Саволим сизни мурожатингиз тўғрисида
-Хўп.
-Нега бир қарасам сенсирайсиз, бир оздан кейин сизлайсиз? Бу сизнинг табиатингиз узгарувчан кайфият одами эканлигингиз белгисими?
-Йўқ. Бу жудаям сенсирагим келишидан аммо урушиб бермасин деган ўйда яна сизлашимдан далолат. Кулимсиради. –Сенсирашга қарашларингиз?
-Тушунарли. Қўлига қошиқни олган Шаҳноза иштаҳа билан овқатланишга киришди. -Менга сенсираб муомила қилишлари ёқмайди. Ўз саволига жавоб кутиб тикилиб турган йигитга кўз ташлаб олиб жавоб қайтарди.
Хўрсиниб олган йигит индамай қошиқни стол устига ташладида, олдида турган кофедан хуплади. Шаҳноза овқатланиб бўлгунича ҳам овқатга қўл урмаганини кўриб хайрон боқди.
- Емайсизми?-деди ўйчан кофе хуплаб ўтирган Алишерга қараб.
-Йўқ. Иштаҳам йўқ. Бўлдингизми?
-Ҳа.
-Кетдик унда. Ўрнидан турди.
-Сиз ростдан ҳеч нарса емайсизми?
-Ҳа. Иштаҳам йўқ. Кетмайди.
-Унда нега сотиб олдингиз?
-Балким, иштаҳам очилар дегандим. Кетдикми?
-Ҳа.
Машинанинг орқа ўриндиғига чиқиб ўтирган Шаҳноза кайфияти бузилиб келаётганини сезиб лабини қаттиқ тишлади. Охирги вақтларда арзимас нарсалар ҳам кайфиятимга таъсир қиладиган бўлиб қолдим. Онам нима қилаётган бўлсалар? Кеча мен кетгач келинни сиқиб сувини ичмаган бўлса бўлди.
-Тошкент қайтамизми? Алишернинг саволидан ҳушёр тортган қиз индамай бош силкиди.
-Унда уйга бориб бир карра кўздан кечириб сувни газни ўчирай, сунг йўлга чиқиб кетамиз.
-Соат нечида Тошкентга етамиз?
-Тинчлик бўлса, насиб бўлса уч тўрт соатда Тошкентда бўламиз.
Соатига қараб олган Шаҳноза лабини тишлаб ўйланиб олди. Дарсга етиб бора олар эканман. Уйдан кунгли тинчланган Алишер машинасини Тошкент томон юргизди.
-Алишер ака, балким бирон нарса **** оларсиз,-соатига кўз ташлаб олган Шаҳноза йўл бўйи жим кетаётган йигитга мурожат қилди.
-Йўқ. Иштаҳам йўқ.
-Соат ўндан ошди. Кун совуқ. Бу оби ҳавода оч юриш яхши эмас.
-Яна икки соатда Тошкентда бўламиз. Уша ердан нимадир ерман.
-Ҳар доим шундай юрасизми?
-Баъзида...
-Мен ҳам шундай юрардим. Оч тўқ. Вақтида дарсимдан қизғониб овқатланмас эдим. Бир йилда ошқозонимда муаммо пайдо бўлди. Ишим деб соғлигим кета бошлагач қатъий режа тузиб олдим. Ҳозир вақтида овқатланаман.
-Ошқозонингиз оғрийдими?
-Ҳм. Оч қолиб кетиб овқатлансам безовта қилади.
-Сизга очлик мумкин эмас эканда.
-Ҳа. Шундай.
-Шаҳноза
-Ҳа.
-Мен бу хафтада Москвага кетаман. Машинасини йўл четига тўхтатган Алишер ортига бурилди. -Мен йўқ вақтимда кечагидек иш қилманг. Одам бошига ҳар қандай кун тушса ҳам ўзини тута билиши керак. Мен сизга насиҳат қилмоқчи эмасман. Лекин арзимас гап сўз деб ўзига зиён бермаслик керак.
-Биламан Алишер ака. Бошини эгиб олган қиз пичирлаб жавоб қайтарди. -Биламан. Бундан оғирларини сабр билан ўтказган эдим. Кеча бир шундай бўлиб қолди.
-Мени сиздан кунглим тинч бўлиши керак. Чунки, у ерда ишларимни қила олмай хаёлим Тошкентда қолмасин дейман.
-Қизиқмисиз? Бош кўтариб ўзига жуда яқин турган йигитдан гавдасини узоқлаштирди. -Сиз билан мен киммиз бир биримиз учун? Шунчаки иш юзасидан салом алиги бор инсонлармиз. Хаёллармиз бир биримиз учун бузилмаслиги керак.
Тикилиб қолган йигит индамай олдинга бурилди.
-Тўғри айтасиз. Бош силкиб олиб машинасини жилдирди. -Гапларингиз тўппа тўғри! Тошкентга етиб келгунича оғиз очмаган Алишер Тошкентга кириб келишлари билан савол назари билан қизга боқди.
-Марказга. Нима демоқчилигини нигоҳларидан англаган Шаҳноза жавоб қайтарди.
Хўрсиниб олган йигит магинасини марказ йўналиши бўйлаб юргизди.
-Чарчаманг. Машинасини йўл чеккасига тўхтатган Алишер қизга қарамай хайрлашди. -Ишларингизга омад!
-Раҳмат! Айтмоқчи овқатланиб олинг!
Шу гапни кутиб тургандек шарт бурилди.
-Менгга меҳрибонлик қиладиган онам бор! Сиз мен учун қайғурманг! Киноя билан лаб бурди. -Бориб ўқувчиларингиз ғамини чекинг!
-Хўп! Эслаб қоламан! Хайр!
Қарсиллаб юзига ёпилган эшикка қараб қолган Алишер ғазабини босиш учун чуқур нафас олиб чиқарди. Марказ томон дадил юриб ктаётган қиз ортидан тикилиб қолди. Қайсар! Ҳали шошмай тур шундай эгиб оламан. Эгилганингни ўзинг билмай қоласан! Шу мағрурлигингни йўқотиб Алишер ака соғиндим демасанг менам отамни боласимасман! Ҳозирча уша ғурур осмонингда мағрур сузиб юравер! Кулиб олган Алишер машинасини жойлаштириш учун қулай жой излади.
-Ишинг ҳам бор бўлсин болажоним, соғ саломатмисан!? Туни билан ухламай чиқдим. Томоғи нима бўлди? Иситмаси чиқмадимикан? –леб ўйлайвериб тикон устида ағнагандек ухлай олмай чиқдим.
-Ая яхшиман хавотир олманг!
-Кел ўтирчи, билсам билмасанг овқат емаган кўринасан. Ол совумай ичиб ол! Ишларинг битдими?
-Ҳа. Битди.
-Айтмоқчи, кеча Беҳзод билан гаплашган эдим.
-Аха
-Сени кетишинг хабарини эшитиб, аммамнгни қизи сиз билан яшасачи деяётганди. Мен акангдан сўрайман. Рози бўлса келаверсин дедим.
-Аммамни қизи? Қошлари паст баланд бўлган Алишер онасига савол назари билан боқди.
-Даданггни амакиваччаси. Лайло опангни эслайсанми? Ёшлигингда сени доим қўлидан қўймай кўтариб юрарди.
-Ҳаа эсладим.
- Уша опангни қизи, ТошМИда ўқийди. Учинчи курсмикан? Ётоқхонадан жой ололмабди. Бир хонада икки этажли қилиб тўрт каровот жойлаштирилган, худди махбусларникидек дейди. Лайло опанг бориб кўриб келибди. Квартирада яшаётган эмиш. Ҳеч кунглим тинчланмаяпти, квартирасини эгаси ҳам тузук одам эмасмиш. Ҳар ой квартира пулини оширармиш.
-Оббо
-Ҳа болам одамларнинг пул имоми, доллар жойномозига айланган замонларда яшаяпмиз. Пул учун нималар қилмайди. Мусофир, талаба илм йўлида йўлида юрибди дуо қилсин демайди. Биз ўқиган замонларда одамларда инсоф виждон бормиди ё мен ёмон одамларга дуч келмаганманми?
-Сизнинг ҳаётингизда дуч келган энг ёмон одам дадам бўлган бўлса керак, кулиб юборган Алишер аясининг елкасидан қучиб бағрига босди.-Аяжон ҳазиллашдим ҳафа бўлманг! Лайло опамни қизига келадиган бўлсак сизга маъқул бўлса келаверсин. Мен ишларим битишига қарайман. Икки ойларда қайтишга ҳаракат қиламан. Сизни ёлғиз қолдирмаса, юмушларингизни елиб югуриб қилиб юрса, менга шу етарли.
-Алишержоон
Аясининг чақириғиданоқ нима ҳақида савол беришини тушунган йигит лаб тишлади. Аям жуда эътиборли.
-Ҳоо
-Шаҳноза билан биргамидинг?
-Нега ундай дейсиз?
-Иккаланг олдинма кейин кириб келдиларинг. У кириб келган вақтида мен холлда тургандим. Мени кўриб қизариб кетди. Биргамидиларинг?
-Йўқ. Бош чайқади.- Олдинма кейин келишимиз тасодиф бўлса керак. Мен уни кўрганим йўқ. Бепарво жавоб қайтаришга тиришган Алишер коса ковлади. -Нухат солмабсизда.
-Йўлдаман деганинга шошилдим.
Аяси яна нимадир сўрамоқчи бўлиб оғиз жуфтлади-ю, аммо фикридан қайтдими, савол бермади.
-Қачон кетасан?
-Сешанба куни.
-Олти кун қолдими?
-Ишларингни шу ерга кўчириб келсангчи болам. Собир оиласи билан кўчиб кетган сот унга ўзингни ҳиссангни шу ерда иш бошлай қол болам.
-Йўқ. Мен у ердан узилмаслигим крак. Режаларим бор. Ая майли қўйинг мен қийналмаяпман. Кейин Собирнинг маблағи етмайди сотиб олишга. Мени сотгим йўқ.
-Майли болам мен сени қийналмасин деган мақсадда айтувдим. Сотишни истамасанг сотмай қўя қол. Фақат Москва ва Тошкент ўртасида сарсон бўласанми дейманда.
-Хавотир олманг ая. Тақдирда бори бўлади.Ҳозирча ризқим шу икки шаҳарга сочилган экан териб юраверайчи. Ризқим узилган куни бир дақиқа ҳам тура олмайман. Жилмайиб олган Алишер ўй суриб жим бўлиб қолди.
-Аяжон,- деди ниҳоят хаёлларини бир жойга тўрплаб.
-Эшитаман.
- Шаҳнозага жуда қизиқаяпсиз. Қаттиқ умид боғламанг. Бизнинг тақдиримиз бир бўлса албатта биз бирга бўламиз, лекин менга ундай туюлмаяпти.
-Нега?
-Билмадим. У ёнимда, қаршимда ўтирган бўлса ҳам ўзимни ундан жуда жуда олисда ҳис қиламан. Балким шу туфайли.
-Сенда одамларга ишонч кам. Юрагингни очишни истамайсан. Сени кунглингга қарши бир оғиз гап гапирган одамни хаётингдан ўчиришга ҳаракат қиласан. Мукаммал муносабат истасанг ёлғиз қолишинга тўғри келади. Икки томон муносабати, бир бирини кечиришга асосланган. Ёшинг ўттиздан ошди. Балким ўзингни характерингни узгартиришга тиришарсан.
Сешанба куни Москвага етиб олган Алишер олдин онасига қунғироқ қилиб етиб келганини хабарини етказиб телефонни қўйишга шошилмади. Онасининг сендан одамларга ишонч кам деган гапи ёдига тушган йигит қизнинг номерини терди.
-Эшитаман. Қизнинг сокин овозини эшитган Алишер чуқур хўрсинди.
-Салом
-Алишер ака сизмисиз? Нега номерингиз беркитилган?
- Беркитилганми?
-Ҳа.
-Мен Москвадан қунғироқ қилаяпман. Балким шунгадир.
-А? Кетдингизми?
-Ҳа.
-Қачон?
-Тонгда.
-Яхши етиб олдингизми?
-Ҳа рахмат. Ишларингиз яхшими? Кун яхши ўтдими?
-Ҳа рахмат яхши.
-Уйга қайтаяпсизми?
-Ҳа.
-Шахноза сиздан бир нарса сўрамоқчи эдим.
-Хўп.
-Шу рақамингизда телеграмингиз борми?
-Ҳа. Бемалол ёзишингиз мумкин.
-Хўп. яхши етиб олинг.
-Саломат бўлинг.
Балким аям айтганидек, узгарадиган вақтим келгандир. Моҳим билан муносабат урнатгим келмаганди. Ундаги ҳашаматни ёқтирмадимми нимадир менга ҳалал берди. Ёки ўтмишни тап тортмай гапириб бергани ёқмадими? Ишқилиб менга ёқмади ва хайрлашдим. Шаҳнозада бошқача бўлаяпти. У мендан олис бўлишга уринган сари унга яқинлагҳшгим бор.
Сафари давомида ҳар куни Шаҳноза билан хабарлашиб туришни одат қилди. Телефонда айтолмаган гапларини смс орқали осон баён қила олиш Алишерга маъқул тушди. Алишернинг назарида Шаҳнозага ҳам телефондаги суҳбатдан кўра смс маъқулдек. Суҳбатлари давомида, Шаҳнозанинг кўрингани каби эмас, аслида бир мунча содда ва беғубор эканлигини кашф қилди. Бошланишида, Алишернинг мен ишга кетаяпман деган смсларини жавобсиз қолдирадиган қиз вақт ўтиши билан.
-Яхши етиб олинг. Кунингиз яхши ўтсин! Каби жавоб қайтарадиган.
Хайрли тонг тилагини соатлаб очиб ўқимайдиган одам, дарров онлайин бўлиб жавоб қайтаришни одат қилди. Алишерга қизни шу даражага олиб келиш албатта осон бўлмади. Шаҳноза ҳафа бўлса, биринчи бўлиб гап бошламаслигини тушунган Алишер, ўзидаги шу одатдан кечишга мажбур бўлди. Алишернинг ҳам табиатида бировдан хафа бўлса, йиллар ўтса ҳам гаплашмай кетадиган одати бор эди. Телеграммда бошлаган суҳбатларининг учинчи ойига бориб иккиси қаттиқ тортишиб қолди. Тортишув эса, қизнинг узоқ вақт онлайин бўла туриб жавоб қайтармагани туфайли келиб чиқди.
-Нега жавоб бермадинг? Асабийлишиб кетган Алишер қунғироқ қилиб бақириб берди.-Ким билансан?
-Онам билан эдим. Онамни дориларини ичираётгандим. Инсулин олади онам. Ҳар куни ўзим икки маҳал қиламан. Шаҳнозанинг ҳотиржам овозда тушунтириш бериши жаҳлидан туширди.
-Шуни бир жумлада, онамни олдидаман десанг бўларди-ку!
-Телефоним очиқ қолиб кетибди. Эътибор қилмабман.
-Менга телеграмингни скрин қилиб ташлай оласанми?
-Алишер ака, мен мана шунақа суроқлардан тўйганман. Қўлингиздан келса менга ишонинг. Ишончингиз бўлмаса, хайрлашганимиз маъқул.
-Шаҳноза, мен ишончим йўқлигидан эмас..
-Билмадим нима мақсадда скриншот сўрадингиз, лекин бу қилиғингиз мени кунглимга тегди.
-Сени қилиғингчи мени кунглимга тегмадими?
-Алишер ака, сиз худди ўспирин ўқувчиларга ўхшаб кетаяпсиз.
-Демак, мен гудакман. Сен эркак киши билан гаплашаётганингни унутиб қўймадингми?
-Мен унақа демадим.
-Сен айнан шундай дединг!
-Мен унақа демадим!
-Сен айнан шунақа дединг! Гудак деган сўз кимга нисбатан ишлатилишини биласанми?
-Етар-а!?
Телефонни жахл билан босиб қўйиши биринчи марта кунглига теккан Алишер қайтиб қунғироқ қилмади.
Орадан беш соат ўтиб қизнинг ўзи биринчи бўлиб смс ёзибди.
Қизишиб хато гапирдим. Узр.
Смсни ўқиб юзига табассум югурган Алишер қизнинг рақамларини терди....
Икки ойни мулжал қилган йигит Май ойига ортига қайтди. Тасодифларни унчалик ҳам ёқтирмайдиган Алишер Моҳимни аэропортда кўриб ўз ўзидан кайфияти бузилди. Алишерга шодон қўл силтаган қизни кўрибоқ Алишернинг юраги қандайдир нохўшликни сезгандек типирчилаб кетди. Назарида қиз билан учрашуви Алишернинг хаётида кескин ўзгартириш киритадигандек.
-Салом Алишер! Яхшимисиз? Йигит томон жилмайиб келган қиз кўришиш учун қўл чўзди.
-Яхшимисиз? Қизнинг узатилган кафтини мулойим сиққан Алишер аҳвол сўради.- Ишларингиз жойидами?
-Рахмат! Жойида. Танишинг, турмуш ўртоғим Саид ака. Саид ака бу киши Москвадаги катта ўзбек бизнесменлардан бири. Исмлари Алишер. Биз Москва сафаримизда Доим шу кишининг меҳмонхонасида тўхтаймиз.
-Танишганимдан хурсандман. Жилмайиб турган, оқ сариқдан келган баланд бўйли йигит Алишер билан саломлашиш мақсадида қўл узатди.
-Тошкентгами?
-Ҳа. Тўй қачон бўлди?
-Шошилинч бўлиб қолди сизга таклифнома юбориши унутибмиз. Кечирасиз. Тошкентда тўй тантанамизга етиб кела олмаган танишларимизга зиёфат бермоқчимиз. Сизни ҳам шу зиёфатга таклиф қиламиз. Тўғрими Саид ака?
-Албатта сизни ҳам кутамиз.
-Вақтини ва манзилини айтсангиз насибамиз бўлса борамиз.
Жилмайиб олган Алишер Моҳимга йўл бериб аэропорт ичкарисига йўл олди.
Мен сизга смс қилиб ёзиб юбораман.
-Кутаман.
Тақдир ўзи учун яна бир ёқимсиз тасодиф тайёрлаб қўйганини самолёт бортида билетига қайд этилган ўриндиқ ёнидаги ўриндиқда ўтирган Моҳимни кўргач билди. Лабини қаттиқ тишлади. Майлида чидаймизда. Тошкентгача ўлиб қолмасман! Шериги кимлигини билиш мақсадида атрофга аланглаётган Моҳим Алишерга муғомбирона назар ташлаб кулди.
-Наҳотки, ёнимдаги жой сизники? –деди.
-Тасодиф! –Кафтларини очиб кўрсатган йигит ҳам жилмайди. Мутлоқ тасодиф! ..............................
Присоединяйтесь к ОК, чтобы подписаться на группу и комментировать публикации.
Комментарии 2