Предыдущая публикация
Носнинг зарарлари ва ташлаш учун тавсиялар.
Биз сиз билан бугун нос ҳақида бироз мушоҳада қилмоқчимиз. Киши ўзи учун нима фойда ёки зарарлигини билганда ўша нарсанинг мухлиси бўлиши ёки ундан дарҳол тийилиши керак бўлади. Негаки, бу тадбир ақлли кишининг сифатидир. Нос кўпинча бизнинг Марказий Осиёда учрайдиган хумор воситасидир.
Нос кичик дўмалоқланган ва кукун ҳолатда бўлади. Унинг таркибига нос тамаки, ўсимлик ёғи, оҳак, ўсимлик кули, сув ва бошқалар киради. Таркибидаги моддаларнинг таъсири инсон саломатлиги учун зарарлидир. Заҳарлилиги жиҳатидан тамаки тайёрлаш учун ишлатиладиган тамаки билан нос тайёрлаш учун ишлатиладиган тамакининг таркиби бир-бирига яқин ҳисобланади. Заҳарлилиги билан булар бир-биридан кўпам қолишмайди. Энди эса нос келтирадиган зарарларни бирма бир санасак.
Носнинг зарарлари:
Юрак, ўпка, жигар ва буйраклар ва қон айланиш системаси учун зарарли даражаси юқори.
Жигар ва қовурға ораларида оғриқни пайдо қилади.
Тишларни емиради.
Оғиз, тил, қизилўнгач ва меъдада учрайдиган рак касалликларининг аксари носкашлар ҳисобланади.
Фикрлашни сусайтиради.
Ақлий меҳнатда эринчоқ ва ишёқмасликни келтиради.
Хотирани ўтмаслаштиради. Кўп нарсалар эсида турмайди.
Хуморни пайдо қилади. Хумор тутганда эса носкашларнинг феъл атвори нозиклашиб боради.
Уйқуни камайтиради. Носкашнинг уйқуси ҳақиқатда кам бўлади.
Бундан ташқари…
Тупурилган нос атроф муҳитни ифлос қилади. Айрим пайтлар гилам таги, уй бошқа турар жойлар, ишхоналар остонаси каби жойларда тупурилган нос учраб туради.
Нос жамиятга жамоатга ўта хунук ҳолатни келтириб чиқаради. Оғзидаги нос билан пала-партиш гапириш ёки гапира олмаслик ҳолатлар пайдо бўлади. Бу эса хунук ҳолатдир.
Нос оила бюджети учун зарар!
Мўккадан кетган носкашдан бадбўй-сассиқ ҳид анқийди!
Носнинг бу каби зарарларини кўриб туриб эса нос чекадиганлар энди ташлайман, деб қарорларни қабул қилса мақсадга мувофиқ бўлади.
Носга ўрганган киши буни ташлаши учун маълум тадбир асосида ҳаракат қилиши лозим. Энг аввало бу киши ўзидан «носкаш» деган тахаллусни ечиб ташлаши талаб этилади. Ва яна ташлаш учун эса биз берадиган тавсияларга амал қилиш яхшидир.
Носни ташлаш учун тавсиялар
Иродани ушлаш зарур. Бунинг учун нафс хоҳлаган ҳавойи нарсалардан воз кечиш. Бу қиш пайтида ёзда пишадиган узумни ёз келганигача кутиб ейишни кутиш кабидир. Киши агар носни ташлайман деб ҳаракат қилса, 15 20 кунда бунга эришади. Иродани бўш қўйган киши ўз нафсининг қули ҳисобланади. Бу каби инсонлардан жўяли натижани олиб бўлмайди. Носни ташлаган ва ташлаш учун курашган кишилар-яқинларимизнинг ҳатто йиқилиб қолгаликларида ҳам бу қарордан қайтмаганликларини кўрганмиз. 15 йил «нос стажи»га эга бўлган кишилар ҳам нос ташлаш бахтига эришганлар.
Хумор тутганда бошқа нарсаларга чалғиш. Иш билан чалғиш мумкин ва яна бирор аччиқ конфетлар билан нафсни овунтириш керак.
Хумор тутганда юқоридаги барча зарарларни ўзимдан даф қилишим керак ва зарарларни пайдо қилмасданоқ ташлашим шарт дея киши ўзига мақсад қўйиши керак.
Носни кўрганда энг жирканч ва ифлос нарса эканлигини эслаши ва юз буриши керак ва яна ташлаганлик учун шукр қилиш лозимдир.
Спорт билан шуғулланиш яхши. Спорт ақлни ва танани тозалайди, чиниқтиради ва яна турмуш тарзини янгилаб, саломатликка етаклайди.
Қалб хотирижамлигини тиклаш лозим. Қалбни хотирижамлик ила бошқариш керак. Яхши ва ҳузур бўладиган амал ва ишларни қилиш ва соф ақида ва фикрга эга бўлиш керак.
Бўлиб ўтган ҳикоя
Нос камёб бўлган замонларда иккита йигит қишлоқ мулласидан масъалага жавоб сўрамоқ ниятида боришибди. Имом домла нуроний ва қори киши эди. Йигитлар аввалига сўрашдан ийманишибди ва домла қистайвергач гап бошлашибди.
— Ҳожатхонага носим тушиб кетди. Носни олиб уни чекса бўладими?
Шунда домла:
— Ҳай, носнинг оғзи очиқ эдими ёки ёпиқ?
— Ёпиқ эди, нима - ёпик булса яна олиб чексанг булади - демокчимисиз?- деб аччикланишибди йигитлар.
Домла эса:
— Йук, яхшиямки ёпиқ экан, агар очиқ бўлганида хожатхонани ифлос қилган бўлар эди, ўзингиз биласиз, — дебдилар.
Йигитлар эса баттар уялганидан бош эгиб чиқиб кетишган экан.
Следующая публикация
Нет комментариев