21-тӥ тулыспалэ быдэс дунне пусъе Анай кыллэсь калыккуспо нуналзэ.

Анай кыл пушкы ватӥськемын вашкалаосмылэн улон шоры учкемзы, анаймылэн нуны веттан гурез, калыкмылэн лулчеберетэз. Трос адямиос понна анай кыл - улонэтӥ йыгмыт вамышъяны юрттӥсь кужым.
📝 Анай кылмес мерлыко вотэсын вӧлмытон вылысь, Пичи Пурга ёросысь "Удмурт Кенеш" огазеяськон "Анай кыл - кужым!" акция ялэ. Лулчеберет но дышетон удысын ужасьёсты, дышетскисьёсты сяна, ӧтиськом пыриськыны вань мылкыд карисьёсты!
Акцие пыриськыны луоно пӧртэм амалъёсъя:
✅ Анай кыллэн нуналэзлы сӥзем ужрад сярысь удмурт кылын гожтоно, ВКонтакте вотэсбамады туспуктэм, хэштэг ватсаса поттоно.
✅ Асьтэлы тужгес дуно потӥсь удмурт кылъёсты кагаз вылэ гожтоно но, туспуктэм лэсьтыса, хэштэг ватсаса, ВКонтакте вотэсбаме пуктоно.
✅ "Анай кыл", "Кужым" кылъёсын ньыль чуръем кылбур ( яралоз верлибр амалэн) гожтоно но, хэштэг ватсаса, ВКонтакте вотэсбамады поттоно.
✅ "Анай кыл-кужым!" кылъёсын , удмурт дӥсяськыса, огнады яке ӵош ужась эшъёсыныды ӵош вакчи видео лэсьтоно, ВКонтакте вотэсбаме, хэштэг ватсаса, поттоно
✅ Огнады яке ӵошен "Анае гурзэ эстэм, дыр, но " кырӟанлэсь ньыль чуръёссэ кырӟано но Анай кыллэн нуналэныз ӟечкыландэс вераса, вакчи видео лэсьтоно, хэштэг ватсаса, ВКонтакте вотэсбаме поттоно.
Акция 25 тулыспалозь кыстиськоз, тужгес умой ужъёсты синпель кузьымен пусъемын луозы.
#АнайКылКужым
#ПичиПургаУдмуртКенеш
#ДеньРодногоЯзыка