Предыдущая публикация
Уйқу олдидаги суннатлар
1. Қуйидаги дуони ўқиш:
بِاسْمِكَ اللَّهُمَّ أَمُوتُ وَأَحْيَا.
«Аллоҳим! Сенинг номинг билан ўламан (уйқуга кетаман) ва тириламан (уйғонаман)».
Имом Бухорий роҳимаҳуллоҳ ривоятлари.
2. «Икки қўлини очади ва кафтларига Ихлос, Фалақ, Нас сураларин ўқиб, дам уради. Сўнгра икки кафти билан қўли етганча баданини масҳ қилади. Буни уч марта такрорлайди».
Имом Бухорий роҳимаҳуллоҳ ривоятлари.
3. Оятал - -курсийни ўқиш.
Самараси:
«Аллоҳ таоло томонидан бир қўриқчи унга тушади, тонггача унга шайтон яқин кела олмайди».
Имом Бухорий роҳимаҳуллоҳ ривоятлари.
4. Қуйидаги дуони ўқиш:
باسْمِكَ رَبِّي وَضَعْتُ جَنْبِي وبِكَ أرْفَعُهُ إِنْ أمْسَكْتَ نَفْسِي فارْحَمْها وإنْ أرْسَلْتَها فاحْفَظْها بِما تَحْفَظُ بِهِ عِبادَكَ الصَّالِحينَ.
«Парвардигоро! Сенинг номинг билан ёнимни қўйдим. Яна Сенинг ёрдаминг билан уни кўтарурман. Агар жонимни ушлаб қолсанг, унга раҳм қил. Агар уни қўйиб юборсанг, уни солиҳ бандаларингни сақлаганинг ила сақла».
Имом Бухорий ва Имом Муслим роҳимаҳуллоҳ ривоятлари.
Следующая публикация
Комментарии 3