Предыдущая публикация
Қисқа маълумот
Аҳли сунна вал жамоа - мўътабар тўрт мазҳаб аҳллигининг, бирдамлигининг, тотувлигининг асосчиси ким биласизми?
Бунинг асосчиси, маъмури Имом Ғаззолий раҳматуллоҳи алайҳ бўладилар. Буни имом Ғаззолийнинг энг катта, оламшумул ишларидан бири, десак ҳам бўлади. Суннийларни бир том остида бирлаштирган улуғ аллома. Имом Ғаззолийнинг машҳур «Иҳёу улумид-дийн» асарлари айнан шу ишнинг бош лойиҳаси, десак ҳам бўлади. Иҳёнинг ҳар бир бўлимининг кириш қисмида тўрт мазҳаб имомлари албатта авлиё даражасига кўтарилади, уларнинг фазилатлари, бир-бирлари билан алоқалари баён қилинади, бунга катта урғу берилади. Иҳё асари нафақат бугун, балки ўша вақтда ҳам халқ орасида яхшигина машҳурликка эришган ва кўп мутолаа қилинган асар бўлган. Бу асарнинг таъсиридан, файзидан мазҳаблар орасидаги тотувлик, бирдамлик вужудга келган.
Бундан олдин, хусусан, Имом Ғаззолийдан олдинги даврга назар солсак, мазҳаблар орасида бир-бирига жуда қаттиқ танқидий асарлар ёзилганини кўришимиз мумкин.
Аллоҳ таоло Имом Ғаззолий раҳматуллоҳи алайҳни Ўзининг раҳмат ва мағфиратига олган бўлсин.
@AbdullohRahim
Следующая публикация
Нет комментариев