«Չելսի»-ի հարձակվող Ալվարո Մորատան պատմել է, որ Անգլիայի սուպերգավաթի՝ «Արսենալ»-ի դեմ խաղում չիրացրած 11-մետրանոցի համար իր կինը ցանկացել է իրեն վռնդել տնից: Հիշեցնենք, որ այդ խաղի հիմնական ժամանակը ավարտվեց 1:1 հաշվով: Հետխաղյա 11-մետրանոցներով 4:1 հաշվով հաղթանակ տարան «զինագործներ»-ը.

««Արսենալ»-ի դեմ խաղում չիրացրած 11-մետրանոցից հետո ես ինձ այնքան էլ լավ չէի զգում: Հաջորդ օրերին ամեն ինչ շատ բարդ էր: Կինս նույնիսկ ցանկանում էր վռնդել տնից: Բայց պետք է պահպանել մեր ոգու ուժը: Մենք լավ արդյունքներ ենք ցույց տալիս: Չեմպիոնների լիգայում հաղթելը շատ կարևոր է: Հիմա մեզ գալիք հանգստյան օրերին բարդ հանդիպում է սպասվում»,- իսպանացի հարձակվողի խոսքերն է փոխանցում Mirror-ը:Հավելենք, որ անգլիական Պրեմիեր լիգայի 7-րդ տուրում «ազնվականներ»-ը սեպտեմբերի 30-ին կհյուրընկալեն «Մանչեսթեր Սիթի»-ին: #Admin