Предыдущая публикация
Bizlardan ne qolur, savob va gunoh,
Bir kun omonatin oladi olloh.
Do‘stlar unutmaylik bir haqiqatni,
Barchamiz borar joy bir hovuch tuproq. Kimdur mol to‘playdi, kimlardur savob,
Savobdan qochganlar yo‘q emas biroq.
Gunohlarga bir kun berilur javob,
Barchamiz borar joy bir hovuch tuproq. Kimdur daraxt ekib, bog‘lar quradi,
Kimdur birovlarga qo‘yadi tuzoq.
Kimningdur qalbida "olloh” yuradi,
Barchamiz borar joy bir hovuch tuproq. Dunyo jilvasiga uchganlar ham bor,
Kimdur qisqa yashar, kimlardur uzoq.
Sajda qilib yerni quchganlar ham bor,
Barchamiz borar joy bir hovuch tuproq. Biz duo qilaylik, kechirsin olloh,
Savoblar yozilib, yuvilsin gunoh.
Do‘stlar bir haqiqat muqarrar axir,
Barchamiz borar joy bir hovuch tuproq.
Следующая публикация
Нет комментариев