Предыдущая публикация
Жалал-Абад облусуна караштуу Тогуз-Торо районунун Дөдөмөл айылындагы тоо кырдагы телемунарада иштегендердин үйүнө Алиса аттуу түлкү кайрадан келе баштады.
Чыңгыз Абыкеев билдирди.
Анын айтымында, өткөн жылы аталган түлкү алардын үйүнө күндө келип жүргөн. Бирок ортодон дайынын билдирбей калган.
«Бул жылы да биз жашаган үйгө түлкү келип, терезени такылдатып, тамак сурады. Алиса тамак жеп, үйгө кирип көнүп калган. Терезени ачып чакырсак келет, тамак ичип курсагын тойгузуп, сыналгы көрүп алып кайра кетип калат. Ал буга чейин бир бутунан ажырап чолок болуп калган. Мергенчилер тарабынан коюлган капканга түшүп калып, бутун алдырган окшойт», - деди Ч.Абыкеев.
Следующая публикация
Нет комментариев