Предыдущая публикация
-Биз билан-а?!
- қўшмачи аёл энди оғзини косадай очиб кулди.
Нигина бир неча марта юзини уриб олгач, қулайроқ жойлашмоқчи бўлди. Қўшмачи аёл ён бергандек:
-Хўп, Қоралнинг айтгани амалга ошсин, - деди ва Нигинани ўриндиқ тагидан тортиб олди. - Ўтир! Агар нағма қилсанг, кабинанинг ичидаёқ бўғиб ташлайман.
Атрофда қовжираган далалар, яккам-дуккам дарахтлардан бўлак ҳеч вақо кўринмасди. Машина канални ортда қолдириб, бир вақтлар лалмикор бўлган адирдан ошгач, тоғ этагида сурув-сурув қўйлар кўзга ташланди.
Қўшмачи аёл Нигинанинг биқинига туртди.
-Қалайсан?
-Мен... мен... икки минг доллар тополмадим, - деди Нигина шошиб. - Лекин тақинчоқлар билан минг долларни ҳозир топиб беришим мумкин.
Қани?
-Эримникида.
-Ихтиёрникидами?
Шунда Нигина бир ҳақиқатни англади, булар ўша куни уни аллақандай Валянинг фоҳишаси деб ўйлаганди-ку! Нега ҳозир милиция кийимида алдаб, Ихтиёр аканикидан олиб кетишаяпти? Бундан чиқди, Ихтиёр акани, Абдувоҳид акани булар жуда яхши билишади.
-Сизларни ким ёллади?! - кутилмаганда Нигина бақириб юборди. - Ахир, мени эримникидан ўғирлаб чиқдинглар-ку! Демак, дадамни, завод директори Абдувоҳид акани яхши биласизлар!
Следующая публикация
Комментарии 1