Суюнчи!

Ҳа нима янгилик? Машина сотиб олдим! Янги! Яппа-янги! Бирам кўзим қувнаяпти... Ҳар куни чангларини тоззалаб артаяпман.
Бироз юргач, мойини алмаштириш керак экан. Энг яхши мой қайси эканлигини сўраб суриштириб қўйдим. Яна биласизларми оёқ тагига гиламча, ширин атир ҳиди келиши учун машина атириниям сотиб олдим.
Буларнинг ҳаммаси менга бир дунё қувонч олиб келарди.
Шунда мен ўйланиб қолдим. Буларни ким учун қилаяпман? Нега қувнаб кетаяпман?
Топган жавобим мени даҳшатга тушурди. Ўзим учун қилаяпман экан!
Нега янги инсон: ДЎСТ, ҚЎШНИ, ЯНГИ ХОДИМ, ЭНАГА, ШИФОКОР, ҲАЙДОВЧИларга нисбатан бу ишларни қилмаймиз-а?
Уларни ёлгонга, ҳиёнатга, баҳиллигига, садоқатига, низокашлигига, иккиюзламачилигига ва яна сон мингта текширувларга мубтало қиламиз. Мойи кам бўлса – янги машинага зарур мойни қуйгандек иш қилмаймиз. Инсонларнинг ҳам ишончи кам бўлиши, баҳиллиги сабабли чангланиши, машинанинг тормози ишламаганидек низокаш бўлиб қолган бўлиши мумкин-ку?!
Машина юриши учун бензин қуямиз-ку? Нега яқинингиз сизга садоқатли бўлиши учун аввал меҳр бермаймиз? Машинани чидамлилик даражасини аниқлаш учун энг ёмон йўлдан юрдириб кўрмаймизу?
Нега инсонни қанақалигини билиш учун текшираверамиз....текшираверамиз....текшираверамиз...
Нега?!
Битта ҳақиқат бор: машина юриши учун бензин қуйганингиздек, чангини артсангиз ялтираганидек, ичига атир ҳиди уфуришини истаганингиздек, авайлаб ўйдим-чуқур йўлдан ҳайдамаганлигингиздек муносабатда бўлсангиз, яқинларингиз ҳам сизни ўша машина қувнатганидек қувнатади.
Янги машина, Янги дўст, Янги дунёқараш муборак АЗИЗ ДЎСТИМ!