Предыдущая публикация
Qorxuram qəlbimə məhəbbət girə..
Qorxuram itirəm məndəki məni.
Qorxuram gözlərim rəsmini çəkə.
Harda qərarlaşsa axtara səni
Qorxuram! ürəyim bircədi axı.
Onu da alasan, məndən edəsən.
Ürəksiz bir insan heç nədi axı.
Qorxuram alasan çıxıb gedəsən.
Qorxuram öyrəşəm sənli günlərə.
Sonra sənsizliyə dözə bilməyəm.
Qorxuram!..bu sevgi düşə dillərə.
Əlimi əlindən üzə bilməyəm.
Qorxuram sevgimi etiraf edəm.
Sonra da "YOX" ola mənə cavabın.
Qorxuram sevgimin dalınca gedəm.
Dəli Məcnununa dönəm həyatın.
Uzaq et Talehi qorxudan gözəl.
Uzad əllərini tutum əlindən.
doymuram bu şiri arzudan gözəl
Bir kəlmə "sevirəm" çıxart dilindən.
Следующая публикация
Нет комментариев