Предыдущая публикация
Այսօր լրանում է Սերխիո Բուսկետսի 25 - ամյակը: 25 տարի առաջ այս օրը Սաբադելում լույս աշխարհ է եկել մեր օրերի լավագույն հենակետայիններից մեկը, եթե ոչ լավագույնը:
Չնայած նրան շատերը Բարսելոնայի սան են համարում, այդուհանդերձ նա միայն 17 տարեկան հասակում է միացել կատալոնական ակումբին, խաղալով Խուվենիլ Ա - ի կազմում: Դժվար է նրան որևէ թիմի սան համարել: Մինչև Բարսային միանալը, նա ֆուտբոլային կրթություն է ստացել Բադիա, Բարբերա, Լյեիդա, Յունիո Ժաբակ ակումբներում:
Բայց փոքր հասակում այդքան ակումբներ փոխելը տվել է իր պտուղը: Բուսկետսն ընդհանրապես որևէ խնդիր չունի որևէ թիմի հարմարվելու հարցում: Գվարդիոլան նրան բերեց Բարսա և 1 տարի անց նա մեկնարկային կազմից դուրս թողեց Յայա Տուրեին ու անմիջապես դարձավ Իսպանիայի հավաքականի մեկնարկային կազմի ֆուտբոլիստ:
Բուսկետսը չունի բարձր արագություն, բայց ունի շատ ճկուն է մարմին և, որ ամենակարևորն է, շատ ճկուն միտք: Նա ծայրահեղ հազվադեպ է վնասվածք ստանում, չնայած նրա նկատմամբ հաճախ են խաղտում կանոնները: Գվարդիոլայի, Դել Բոսկեի և Տիտոյի համար Սերխիոն կենսական նշանակություն ունեցող ֆուտբոլիստ է, բայց կարիերայի մեկնարկում սիմուլյացիաների պատճառով նրա ձեռք բերած վատ համբավի պատճառով շատ երկրպագուներ մինչև այսօր էլ նրան չեն ընդունում:
Բուսկետսը գրեթե ոչնչի պակաս չի զգում: Նա լիովին առողջ է, շատ հաջողակ: Այնպես որ, մեզ մնում է միայն ցանկանալ, որ մի օր նա արժանանա երկրպագուների սիրուն: Դա, թերևս, միակ բանն է, որի պակասը Սերխիոն զգում է խաղադաշտում: Շնորհավոր, Բուսկետս!
Следующая публикация
Нет комментариев