Предыдущая публикация
Բարսելոնայի նախկին խաղացող ու գլխավոր մարզիչ Կարլես Ռեքսաչը կարծում է, որ Տիագո Ալկանտարայի տրանսֆերը 2 ակումբների համար էլ լավ է:
Esports en Xarxa հաղորդման ժամանակ Կարլես Ռեքսաչն ասել է. "Ինձ չի զարմացնում այն, որ Տիագոն գնում է Բավարիա: Ալկանտարային ցանկանում էր գնել Պեպ Գվարդիոլան, ով նրան շատ լավ է ճանաչում: Նա գնում է մեկ այլ մեծագույն ակումբ, Եվրոպայի ուժեղագույն ակումբներից մեկը: Ժամանակը ցույց կտա, թե թիմերից որ մեկն ավելի շատ կհաղթի":
"Եթե այնտեղ Տիագոն շատ խաղաժամանակ ստանա, հաղթանակների հասնի ու դառնա թիմի համար կարևոր խաղացող, բոլորը կասեն, թե Բարսան նրան թույլ է տվել գնալ ցածր գնով: Տվյալ պահին Բարսան և Բավարիան գոհ են տրանսֆերից", - նշել է Ռեքսաչը:
Կարլեսը չի կարծում, որ Բավարիան "գողացել է" Տիագոյին Բարսելոնայից. "Ոչ ոք ոչ մեկին չի գողացել: Հենց Տիագոն էր նախաձեռնողը, նա գնաց, քանի որ ինքն էր այդպես ցանկանում":
Կենտրոնական պաշտպանի փնտրտուքները
Բարսան փորձում է կենտրոնական պաշտպան գնել, ինչը Ռեքսաչը բնական է համարում. "Նորմալ է, որ Բարսան կենտրոնական պաշտպան է փնտրում: Ինձ ուրախացնում է այն, որ Բարսան հետաքրքրվում է լավագույններով: Շատ եմ ցանկանում, որ Տիագո Սիլվան գա, բայց այդ տրանսֆերի հարցում վատատեսորեն եմ տրամադրված":
"Նոր մրցաշրջանից առաջ շատ լավատեսորեն եմ տրամադրված, Նեյմարը կարող է շատ օգնել առջևի գծում: Մենք պետք է շատ լավատեսորեն տրամադրված լինենք: Ռեալ Մադրիդը նոր մարզիչ ունի, նոր ձեռքբերումներ է կատարել և նոր թիմ է կառուցում: Այդ առումով Բարսան առավելություն ունի", - եզրափակել է Կարլես Ռեքսաչը:
Следующая публикация
Нет комментариев