««« НАТАШАНИ СЕВИБ ҚОЛМА »»»

🤗🤗🤗🤗🤗🤗🤗🤗🤗🤗🤗🤗🤗
Россияга келдинг ишга,
Кетгин уйга қолмай қишга,
Қўйиб юргин тишни-тишга,
НАТАШАНИ СЕВИБ ҚОЛМА!
Иш деб келдинг,ишла укам,
Рисқинг ҳалол, тишла укам,
Ватанингда қишла укам,
НАТАШАНИ СЕВИБ ҚОЛМА!
Қоматларин мақтамагин,
Суратларин сақламагин,
Рус қизларин ҳоҳламагин,
НАТАШАНИ СЕВИБ ҚОЛМА!
Кийим кияр, бўлак-бўлак,
Оҳулардек сергак ҳуркак,
Оғзичангдан оқиб сўлак,
НАТАШАНИ СЕВИБ ҚОЛМА!
Дейсан ёқди унинг феъли,
Бунча хипча экан бели,
Қабул қилмас билсанг эли,
НАТАШАНИ СЕВИБ ҚОЛМА!
Нозик қўлин асло тутма,
Гул юзларин таъриф этма,
Куёв бўлиб қолиб кетма,
НАТАШАНИ СЕВИБ ҚОЛМА!
Ул гўзалдан вафо кутма,
Кутиб укам бўйдоқ ўтма,
Ўзбек қиздан қолиб кетма,
НАТАШАНИ СЕВИБ ҚОЛМА!
Сигир соғиш сирин билмас,
Онанг кутган келин бўлмас,
Ўзбек тилин асло билмас,
НАТАШАНИ СЕВИБ ҚОЛМА!
Раҳмонов Жаҳонгир Сухандон