Kasalmishsan deb eshitdim,

Dilingda dard uyum-uyum,
Dard chekkanni dardkash bilar,
Sog'ayib ket Axad Qayum.
Baxting seni darding bo'ldi,
Dardsiz kuning bormi tayin,
Yegan oshing g'aming bo'ldi,
Sog'ayib ket Axad Qayum.
Yuragingga bir dard berib,
Taqdir senga qildi o'yin,
Chida uning hiylasiga,
Sog'ayib ket Axad Qayum.
Muxabbat bu - kasalxona,
Xar bir kuni o'tar qiyin,
Sening kabi bemori yo'q,
Sog'ayib ket Axad Qayum.
Bizlar seni muxlislaring,
Qo'llab quvvatlaymiz doim,
She'r yozishdan charchamagin,
Sog'ayib ket Axad Qayum.
Shuhrat Mutalov