Предыдущая публикация
Очиқ либослиаёллардан тарқалаётган хавфли касаллик.
Илгарилари аёлларнинг нигоҳлари ҳаёдан ерга қадаларди…Бугун эркаклар бошларини ердан кўтара олмай қолишди…Уятдан…Уят бўлади… Бу жумла қандай ҳолатларда ишлатилишини изоҳлашимизга ҳожат йўқ. Ҳатто бугун бу иборанинг таъсир даражаси қай даражадаэканлиги ҳам барчамизга маълум. Унинг таъсири айни пайтда бироз камайганини кунлар исигани сари очилиб борадиган елкалар, тобора қисқариб кетганидан киндикни-да ёпишга базўр яраётган либослар мисолида тушунтиришимиз мумкин. Бугун саҳифамиз орқали ибо-ҳаё тимсоли бўлган аёлларнинг ярим-яланғоч кийиниши тўғрисида эмас, балки бу ярим-яланғочлик ортида яширинган жуда ҳам ХАВФЛИ касалликлар тўғрисида сўз юритамиз!НЕГА ШУНДАЙ?Бугун замонамизда аёл ва эркакларни тенг ҳуқуқли, дея жар соламиз. Аммо шарқона менталитетимизда ёзилмаган қонун-қоидалар бор. Аёл ўз ўрнида, эркак ҳам ўз тахтида бўлиши лозим. «Мен тенгҳуқуқлиман, истаганимча кийинаман ва менга ҳеч ким қаршилик билдирмасин!» шиори остида ҳаракат қилаётган ярим-яланғоч аёллар, ҳеч ўйлаб кўришганмикин, нега айнан эркаклар эмас, бу касаллик аёлларда пайдо бўляпти? Бунгафанда аллақачон жавоб топилган: аёлнинг териси эркакларникидан мутлақо бошқача ва унинг таъсирланиш кучи ҳам юқори даражада.«ЯРИМ-ЯЛАНҒОЧЛИК» КАСАЛИБунақа касаллик борлиги ҳақида эшитмагандим, дейсизми? Тўғри, эшитмагансиз, унинг фанда илмий номи бор. Биз моҳият жиҳатидан ва сизга тушунарлибўлиши учун уни шундай номладик. Россия ОАВнинг бирида шундай маълумот чоп этилганди: Айтишларича, аёл киши танасининг қанча қисмини очиб юрса, шу қисмида, албатта, турли хил тери-таносил касалликлари пайдо бўлар экан. Ўша мақолада бир қанча машҳур қўшиқчиларнинг номлари келтирилиб, шундай тери касаллигига чалингани ҳақидаайтиб ўтилган. Энди бир таҳлил қилиб кўрайлик, нега энди эркак киши қорнини бир умр очиб юрса ҳам, ҳеч қандайкасалликка чалинмайди-ю, аёлларда эса акси?!ЭҲТИЁТ БЎЛИНГ, САРАТОН!Хўш, бу борада тери касалликлари бўйича мутахассис шифокор Мўмин ЖАББОРОВ нима дейди?— Ҳеч эътибор берганмисиз, айрим миллат вакилларининг аёллари қариганида териси жуда хунук, тўғрироғи, сепкил ва тошмалар тошиб, жирканчли ҳолатга келиб қолади. Буни моддалар алмашинуви билан боғлашади. Тўғри, аммо қуёш нурининг танага меъёридан ортиқ таъсири ҳам тери юзасида мана шундай хунук асоратлар қолдиради. Шунингдек, тери ўсма касаллигига мойиллиги бўлганларнинг очиқ-сочиқ кийиниб, қуёш нурида юришлари жуда ҳам хавфли. Агар шундай касалга мойиллиги бўлган ёки авлодида шу касаллик билан оғриган инсонлар ярим-яланғоч юришдан сақланишлари керак.БОЛАМ ЧАЛА ТУҒИЛМАСИН ДЕСАНГИЗ…Акушер-гинеколог Дилноза Эшонбобоева бу мавзу юзасидан шундай фикрларни билдирди:— Аёлларнинг кийиниши мавзусида қанча тушунтиришлар олиб бормайлик, афсуски кўпчилик бунга енгил қараяпти. Баъзи касалликлар айнан аёлларнинг кийинишлари билан боғлиқ эканлиги бугунги кунда сир эмас. Буни гинекологик томондан изоҳлайдиган бўлсам:сурункали бачадон касаллиги;тухумдон кистаси;қин ва сийдик йўлларининг шамоллаши;узоқ муддат ҳомиладор бўлмаслик;бутун умрлик бепуштлик касалликлари шулар жумласидан.Қоринни очиб юрганда, қоринсоҳасидаги аъзолар орқали ички шамоллашлар келиб чиқади. Шунингдек, организм совқотиб, иммунитет пасайиб боради. Иммунитет пасайди, дегани эса организмнинг ҳимоя қалқони бўшашиб, барча касалликларга йўл бўшатиб беради, дегани. Бу худди соқчилар душман қўшинига шаҳар дарвозасини ҳеч қандай қаршиликсиз очиб берган ҳолатга ўхшайди.Тор шим ва юбкаларнинг бир қарашда ҳеч қандай хавфли жиҳати йўқдек туйилади. Аммо энг катта хавф ҳам мана шунда. Унутмаслик керакки, тор либос кийиш, айниқса, энди ривожланиб келаётган ўсмир ёшидаги қизлар учун жуда хавфли. Негаки бу кийимлар жинсий аъзолардаги қон айланишига тўсқинлик қилади. Организмда қон яхши айланмаса, ҳайз цикли бузилиши ва бунинг оқибатида турли хил касалликлар келиб чиқишига кўп бора гувоҳ бўлганмиз. Ҳаттоки чала туғилган болаларнинг кўпайиши ҳам юқоридаги ҳолатлар билан боғлиқ.СЕВГИ ҲИССИНИ ЎЛДИРМАНГ!Замон ўзгариб кетяпти, дейишади. Аммо замонни айблаб, одамларнинг ўзлари ўзгариб кетмаяптими? Бундан анча йиллар илгари ота-боболаримиз унаштирилган қизининг қўлини ушлаганида ўзини йўқотиб, ҳаяжонга тушиб қолишган бўлса, катталарни қўя турайлик, бугун оддий мактаб болалари кўча-кўйда ярим-яланғоч қизга кўзи тушиб қолса, ҳайрон қолмайдиган даражага келишди. Хўш, аҳвол шу тарзда кетаверса, бунинг охири нима бўлади? Ярим-яланғоч кийиниб олган аёлларни кўриб улғайган болалар кўнглида пайт келиб, йигитларни энтиктирувчи, ҳаяжонга солувчи ҳислар уйғонармикан? Ўзгача интиқлик билан севган қизи ҳақида ширин хаёллар сура оладими? Ярим-яланғоч кийинган қиз бу қиёфаси билан нафақат ўзининг соғлиғига, балки ҳамиша аёлларга тоғдек қалқон бўлганэркаклар саломатлигига ҳам жиддий хавф солаётганини ҳеч ўйлаб кўришганмикан?..ҒАРБГА ҲАВАС ҚИЛИБ ҒАРИБЛАШМАНГ!Ярим-яланғоч кийиниш бугун эркакларда қарши жинс вакилаларига нисбатан қизиқиш йўқолиб бораётганига ҳам сабаб бўлмоқда. Оддийдек туйиладиган бу муаммони франциялик олим Жан Мартиншундай изоҳлайди:— Агар Европада шунақа ҳолатдавом этаверса, яқин йиллар ичида ғарб жуда катта маънавий бўҳронга учрайди. Европа эркаклари ва аёллари бир-биридан тўйиб бўлди. Кўча-кўйда ҳам матбуот-журналлар, телевидениеда яланғоч аёл ва эркаклар бижғиб ётибди. Кўчаларда беҳаё кийинган аёллар ҳеч кимни қизиқтирмай қўйди.Энди эркак аёлдан, аёл эркакдан тўйгандан сўнг ўз жинсига нисбатан қизиқиш ортмоқдаки, бир жинслилар жамиятлари тобора кўпайиб, ўз ташкилотлари, қонуний ҳимояларига эга бўлмоқдалар. Ҳозирда Европа эркакларинингкамида 20 фоизи жинсий заифлардир. Мен бунга сабаб қилиб, беҳаё кийинган аёлларни кўрсатаман. Албатта, инсон ҳуқуқлари ҳамма нарсада устун. Лекин маънавий қадриятларимиз топталишида инсон ҳуқуқларининг баъзи бандлари четга сурилса, яхши бўларди.МУДРАБ ЁТГАН ОРБеҳзод ФАЗЛИДДИН, шоир:— Либоснинг асосий вазифаситанани беркитиш эканлиги сир эмас. Бунга ярамаган матоҳни эса либос деб бўлмайди. Энг ачинарлиси, ён-атрофимиздаги либосни унутиб қўйган опа-сингилларимизга ҳеч қандай ажабланишсиз қарашгаўрганиб бўлдик. Кўз кўникиб қолди.— Кўчага чиқсам, фақат ерга қараб юришга мажбур бўлаяпман, — дейди бир акамиз шунга ишора қилиб.— Ерга қарашга ҳам ўйланиб қолдим, баъзи ҳолларда шундоқ оёғинг остидан чиқиб қолиши ҳам ҳеч гап эмас, — дейди ҳазил аралаш киноя билан яна бири. — Осмонга қараб юрсакмикан, у ҳолда уйимизни қандай топиб борамиз?Бу борада фақат қизларга айб тақайвериш тўғри эмасга ўхшайди. Яхшироқ ўйлаб қарасак, бунинг замирида ҳам ўзимизнинг нуқсонларимиз яширинмаганмикан?Тўйга бордик. Икки таниш оила келишиб, қуда бўлишибди. Пойтахтимиздаги ресторанлардан бири. Одамлар, ранг-баранг либослар, стол устида қушнингсути йўқ, холос. Бир киши учун келтирилган овқатга тўрт-беш киши бемалол тўяди.Даврага бир қиз чиқди. Келиннинг синглиси деб таништиришди. Кийиниши бир аҳвол. Эгнига нимадир илиб олган. Негадир дарров хаёлимдан бир фикр ўтди: «Акаси йўқ экан-да».Адашибман. Бир пайт стол атрофида ўтирган бояги бўйи етиб қолган қизни бир йигит ўпиб (!) олди. Ҳамма ҳайрон. «Акаси», — изоҳ берди ёнидаги қиз. Баттар ажабландик.Давра қизигандан қизиди. Ўртада келиннинг ўша синглиси акаси билан рақсга тушяпти. Қизнинг қилиқлари ҳам жуда бошқача. Биров ака-сингил деса ишонмайди. Бу орада рақс навбати келин-куёвга берилди. «Томоша»нинг зўри ҳали олдинда экан. Қайнона-қайнота, аниқроғи, келиннингота-онаси ҳам даврани гуллатишди. Рақс давомида ота ҳам рафиқасини ўпиб қўйди. Кейин ёнларига фарзандларини чақиришди. Яна боягидай ажнабийча рақс. «Тарбия» илдизининг учи шу ерда кўриниб кетгандай бўлди.Вазиятга энг тўғри баҳони даврадагилардан бири берди: «Худди рус қўшнимнинг тўйида ўтиргандай бўляпман». Тўй давом этяпти. Мен эса анчадан бери ўйлантириб келаётган саволларимдан бирига жавоб топгандай эдим. Ҳа, қизларнинг борган сари «очилиб» кетаётганига акалар,узр, эркаклар ҳам «муносиб» ҳисса қўшаётган экан… Мана аҳвол. Нега акалар сингилларини бозорга соладиган бўлиб қолди? Оталар-чи? Муаммонинг илдизларидан бири шу ердалигига шубҳа қолмаяпти. Ори уйғоқ кишилар ҳеч қачон бундай йўл тутмайди. Оримиз ҳамиша уйғоқ бўлсин.
Следующая публикация
Комментарии 3