Предыдущая публикация
Մադրիդի «Ռեալի» ու Իսպանիայի հավաքականի պաշտպան Նաչո Ֆերնանդեսը «DeportesCope»-ի հետ զրույցում խոսել է նախորդ մրցաշրջանում «արքայական» ակումբից հեռանալու իր մտքերի ու Կրիշտիանու Ռոնալդուի՝ փոխարինումից դժգոհելու մասին:Ամռանը Մադրիդի «Ռեալից» հեռանալու մտքերի մասին.
«Երբ Մադրիդի «Ռեալը» ցանկանում է, որ որևէ ֆուտբոլիստ մնա թիմում, ապա դա ինչ-որ բան է նշանակում: Սա իմ ամբողջ կյանքի թիմն է, և ես հուսով եմ, որ մարզական կարիերաս կավարտեմ այստեղ»:Սերխիո Ռամոսի կողքին խաղալու մասին.
«Ռեալի» ավագի կողքին խաղալով՝ ամեն ինչ ավելի հեշտ է տրվում: Ամեն անգամ, երբ գնդակը մոտենում է Ռամոսի գլխին, բոլորս մտածում ենք, որ քիչ անց Ռամոսը գոլի հեղինակ կդառնա(ծիծաղում է-խմբ.): Հուսով եմ՝ նա կշարունակի գոլեր խփել, քանի որ յուրքանչյուր միավորը շատ կարևոր է մեզ համար: Ռամոսը մադրիդիզմի ճշմարիտ մարմնավորումն է»:Ռոնալդուի՝ «Աթլետիկի» դեմ խաղում փոխարինվելիս դժգոհելու մասին.
«Նորմալ է, որ Ռոնալդուն զայրանում է: Նա չի ցանկանում փոխարինվել: Իսկոն նույն կերպ է իրեն պահում, մյուսները՝ ևս: Դա շատ կարևոր է, քանի որ այդպիսի բնավորություն ունենալը գնահատանքի է արժանի»:
Следующая публикация
Нет комментариев