Предыдущая публикация
***
Мен шундай мавхумлик ичра яшайман,
Ва шундай мураккаб яралганман ҳа...
Қисматга бастма-баст қадам ташлайман,
Шоирлигим андак бўлмоқда далда.
Ўтинаман сиздан камситманг бир оз,
Кунлар келиб англай бошлайсиз мени.
Ақл, хаёл ичра хозир инқироз,
Дил билан муроса қиламан энди.
Нолиманг биламан ,
Хаёлим тарқоқ,
Андак такаббурга ўхшар туришим.
Самимий бўларман ғанимга бироқ...
Малол келмасмикин,хандон кулишим?
Майли мени денглар кибр одами,
Ўзимга ярашар ғурур , андиша.
Хусуматнинг менга етмас қадами,
Қаламла янчгайман уни ҳамиша.
Мен шундай мавхумлик ичра туғилдим,
Мени тушинмас дил суқирдир билинг.
Ғийбат тошларидан мен кучга тўлдим,
Жон душманлар таъзим қиламан келинг…
ЗИЛОЛАБОНУ
Ғанижон қизи
Следующая публикация
Комментарии 2