Предыдущая публикация
Onangiz yonida bir zum õtirib,
Mehrli kõzlariga bir tõyib qarang.
Dunyo ishlarini bir chetga surib,
Onasi hayotlar-onangiz asrang.
Hayotdan ketganda qadri bilinar,
Tamoqqa hattoki suv ham tiqilar.
Pushaymon bõlasiz bag'r tilinar,
Onasi hayotlar-onangiz asrang.
Qalbini g'am alam qamrab olmasin,
Yõlingizni kutib kõzi tolmasin.
Keksaygan kõnglida armon qolmasin,
Onasi hayotlar-onangiz asrang.
Onalar poyida bõlsa gar jannat,
Nima uchun onaga qilmaymiz xizmat?
Onadan ayrilgan eng og'ir qismat,
Onasi hayotlar-onangiz asrang.
Biz uchun hikmatdur har aytgan sõzi,
Dunyoda onaday zot bormi õzi?
Faqat quvonch bilan yashnasin kõzi,
Onasi hayotlar-onangiz asrang.
Следующая публикация
Комментарии 1