Предыдущая публикация
Bir boqishda dilni bog’lading,
Olib qo’yding ihtiyorimni.
Bog’ladingu, endi ne uchun
Tinglamaysan endi zorimni.
Seni ko’rgan kunimdan boshlab
Bir o’t yoqar meni erta kech,
O’rtanaman va lekin ajab
Bu holimdan o’kinmaysan hech.
Mayli buyur ko’yingda yillar
Sahrolarni kezay piyoda.
Sensiz, seni muhabbatingsiz
Hayot yo’qdir menga dunyoda.
Mayli birga jabringni tortay,
Menday sodiq shaydoying bormi,
Faqat meni sevgi samodan
O’tinaman, qo’yib yuborma!
Следующая публикация
Нет комментариев