Предыдущая публикация
Варацэвічы
У XI-XIII Палессе было пакрыта лясамi, сярод якiх сустракалiся асобныя паселiшчы першапачаткова пры рэках i азёрах. Палi былi вынiкам цяжкай працы, а не дарам прыроды. Iснуе некалькі меркаванняў наконт паходжання назвы вёскі. Часта назва паселiшча вынiкала з падзелу яго памiж сынамi заснавальнiка. Калi заснаваў яго Здан – дык паселiшча называлi Здановiчы. В.А.Жучкевiч лiчыць, што назва вёскi Варацэвiчы паходзiць ад iмя заснавальнiка паселiшча Варацэвiча, гэта значыць мае патранiмiчнае паходжанне.
Сапраўды, паселiшчы з суфiксам «iчы» часцей iмаюць паходжанне ад iмён цiпрозвiшчаў. Але суфiкс «iчы» у айканiмiiне заўсёды патранiмiчны. Ёсць жа, напрыклад, вёскiЛядавiчы, Ляскавiчы iiнш. Верагодна сувязь назвы з беларускiмi тэрмiнамi ворык - скацiнны двор i ворань - узаранае поле.
У мясцовым вымаўленнiiснуе варыянт назвы вёскiВорочывычы, тады магчыма сувязь са словамi«варочаць», «варочацца». У мiнулым з поўначы i паўночнага захаду да вёскi прымыкала вялiкае непраходнае балота. Тым, хто ехаў сюды з поўдня, тут трэба было варочацца назад цi паварочваць на ўсход. Дык вось некаторыя мясцовыя жыхары лiчаць, што варацiцца (воротытыся) ад Варацэвiч не аднойчы прыходзілася заваёўнiкам.
Старажылы Варацэвіч сцвярджаюць, што старое сяло размяшчалася на захад ад сучаснага пасялення i называлася Воротынiчы. Да нашага часу на заходняй ускраiне вёскі, дзе раней была драўляная царква захавалiся рэшткi старых могiлак. На помніках у асноўным рускія імёны, але ёсць і надмагільная пліта (датуецца 1837 годам), дзе на польскай мове напісаны імёны Хелен і Марка.
Як бачым, паходжанне назвы вёскi мае некалькi тлумачэнняў. З аднаго боку, гэта сведчыць пра яе багатую гiсторыю, а з другога – дае падставу для далейшага даследавання, тым больш, што Варацэвiчы – радзiма знакамiтага мастака i музыканта Напалеона Орды.
Што датычыцца першага пiсьмовага ўпамiнання аб вëсцы, то яно адносiцца да 1495 года, што дае падставы гаварыць пра яе больш сталы узрост.
Следующая публикация
Нет комментариев