17 ოქტომბერი, 1972[1], დეტროიტი, მიჩიგანი, აშშ) ცნობილი თავისი სასცენო სახელით ემინემი (Eminem, სტილიზებულია, როგორც EMINƎM) — ამერიკელი რეპერი, მუსიკალური პროდიუსერი და მსახიობი. სოლო კარიერის გარდა, იგი არის ჯგუფ D12-ის წევრი, შეადგენს დუეტის Bad Meets Evil ნაწილს (Royce da 5'9"-თან ერთად). ემინემი არის მსოფლიოს ერთ-ერთი ყველაზე გაყიდვადი და 2000-იანების ყველაზე გაყიდვადი შემსრულებელი.[2] მრავალმა ჟურნალმა იგი ყველა დროის უდიდეს შემსრულებელთა სიაში შეიყვანა. Rolling Stone-ის ყველა დროის 100 უდიდესი შემსრულებლის სიაში იგი 82-ე პოზიციას იკავებს. [3] გამოცემამ მას აგრეთვე უწოდა „ჰიპ-ჰოპის მეფე“.[4] D12-ის და Bad Meets Evil-ის შემოქმედების ჩათვლით ემინემს ბილბორდის სიაში ათი #1 ალბომი აქვს. სოლო შემსრულებლის სახით მან მსოფლიო მასშტაბით 100 მილიონზე მეტი ალბომი გაყიდა. [5] აშშ-ში მას გაყიდული აქვს 49.1 მილიონი ალბომი და 42 მილიონი სიმღერა.[6]
დამოუკიდებელი სადებიუტო ალბომის Infinite 1996 წელს გამოცემის შემდეგ ემინემმა მეინსტრიმული პოპულარობა მოიპოვა 1999 წელს, წამყვან ლეიბლზე გამოცემული The Slim Shady LP-ით. ალბომმა მას მოუტანა პირველი გრემის ჯილდო საუკეთესო რეპ-ალბომისთვის. იგივე ჯილდო მოიპოვა შემდეგმა ორმა ალბომმა, The Marshall Mathers LP და The Eminem Show, რამაც ემინემი აქცია პირველ შემსრულებლად, რომელმაც ეს ჯილდო სამჯერ ზედიზედ მიიღო. 2004 წელს მათ მოჰყვა კიდევ ერთი ალბომი, Encore. 2005 წლიდან ემინემი დროებით გაქრა. ახალი ალბომი, Relapse, მან მხოლოდ 2009 წელს გამოსცა. 2010 წელს გამოვიდა მისი მეშვიდე სოლო ალბომი Recovery. მან საერთაშორისო წარმატება მოიპოვა და დასახელდა 2010 წლის ყველაზე გაყიდვად ალბომად, მოხვდა რა ერთ სიაში The Eminem Show-სთან ერთად, რომელიც 2002 წლის ბესტსელერი იყო. ემინემმა Relapse-ისთვის და Recovery-ისთვის მიიღო ორი გრემის ჯილდო, რამაც მის მიერ მიღებული გრემის ჯილდოების სია 13-მდე გაზარდა და შემსრულებელი აქცია ყველა დროის ყველაზე გაყიდვად რეპერად. [7] მისი შემდეგი ალბომი The Marshall Mathers LP 2 გამოიცემა 2013 წლის 5 ნოემბერს.
ემინემი რამდენიმე ბიზნესის მფლობელია, მათ შორის ლეიბლის Shady Records, რომელსაც მენეჯერ პოლ როზენბერგთან ერთად მართავს. მას აგრეთვე Sirius XM Radio-ზე საკუთარი არხი, Shade 45 აქვს. 2002 წელს მან მონაწილეობა მიიღო ჰიპ-ჰოპ დრამა „მერვე მილში“. მას პირველად ჰიპ-ჰოპის ისტორიაში მიღებული აქვს ოსკარი საუკეთესო ორიგინალური სიმღერისთვის.[8] იგი აგრეთვე მიწვეული მსახიობის სახით გამოჩნდა ფილმებში „სამრეცხაო“ (2001), „სასაცილო ხალხი“ (2009) და ტელესერიალში „ანტურაჟი“.
სექციების სია [დამალვა]
1 მუსიკაში
1.1 პირველი წლები
1.2 1996–99: ადრეული კარიერა, Infinite და The Slim Shady LP
2 სხვა პროექტები
2.1 D12
3 დისკოგრაფია
4 ბიზნესი
5 რესურსები ინტერნეტში
6 სქოლიო
მუსიკაში[რედაქტირება]
პირველი წლები[რედაქტირება]
მარშალ ბრიუს მეზერს III დაიბადა სენტ ჯოსეფში, მისურის შტატში, 1972 წლის 17 ოქტომბერს. იგი იყო მარშალ ბრიუს მეზერს უმცროსის (დ. 1951) და დებორა რ. „დები“ ნელსონის (დ. 1955) ერთადერთი შვილი. [9] მას აქვს ინგლისური, გერმანული, შოტლანდიური და შვეიცარიული წარმომავლობა. [10] დებიმ 18 წლის ბრიუსი 14 წლის ასაკში გაიცნო [9] და კინაღამ შეეწირა 73 საათიან მშობიარობას. [11] მშობლები გამოდიოდნენ ჯგუფში Daddy Warbucks. მათი ურთიერთობა შეირყა და ბრიუსმა ოჯახი მიატოვა, გადავიდა რა კალიფორნიაში. [12]მას ორი შვილი, მაიკლი და სარა (დ. 1982) ეყოლა [13], ხოლო დების მოგვიანებით - შვილი ნეითან კეინ „ნეიტ კეინ“ სამარა (დ. 1986 წლის 3 თებერვალს). [9] ბავშვობაში ემინემი და დედამისი მისურისა და მიჩიგანს შორის მოგზაურობდნენ, ერთ სახლში ერთ ან ორ წელიწადზე მეტი დროით იშვიათად ჩერდებოდნენ და უფრო მეტად ოჯახის სხვა წევრებთან ცხოვრობდნენ. მისურიში ისინი ცხოვრობდნენ სხვადასხვა ქალაქში, რომელთა შორის იყო სენტ ჯოსეი და კანზასი.[14] საბოლოოდ ისინი უორენში, მიჩიგანის შტატში დასახლდნენ. ემინემი ამ პერიოდში 11 წლის იყო. [12][15] მოზარდობისას მას მამასთან მიმოწერა ჰქონდა. დების თანახმად, ყველა წერილი უკან ბრუნდებოდა. [12] მეგობრები და ოჯახი იხსენებდნენ, რომ ემინემს ბედნიერი ბავშვობა ჰქონდა, მაგრამ „მარტოხელა“, რომელსაც სკოლაში ხშირად ჩაგრავდნენ - ერთ-ერთი მჩაგვრელი იყო დე'ანჯელო ბეილი. ერთ-ერთი ასეთი ჩხუბის შემდეგ ემინემის თავის მნიშვნელობა დაზიანება აღენიშნებოდა. პასუხად, დები ნელსონმა სკოლას 1982 წელს უჩივლა, მაგრამ შემდეგ წელს ეს საქმე წაგებული იქნა. [11]
სკოლის პირველი წლები ემინემმა ძირითადად შავკანიანებთან, საშუალო კლასის დეტროიტულ სამეზობლოში გაატარა.[12] რაიონში მისი და დების გარდა მხოლოდ ორი თეთრკანიანი ოჯახი ცხოვრობდა, ამიტომ ემინემს ხშირად ჩაგრავდნენ ადგილობრივი აფრო-ამერიკელები. [12] ბავშვობაში ემინემი დაინტერესდა ისტორიების თხრობით და ჰიპ-ჰოპის აღმოჩენებამდე პირებდა კომიქსების მხატვრობას. [16] პირველი რეპ-სიმღერა, რომელიც მან 9 წლის ასაკში მოისმინა, იყო Ice-T-ის „Reckless“. იგი ფილმის ბრეიკი საუნდტრეკში ჟღერდა, რომელიც მან დების ნახევარძმა რონალდ „რონი“ პოლკინბორნისგან საჩუქრად მიიღო. 10 წლის შემდეგ რონიმ თავი მოიკლა, რამაც ემინემზე ისე იმოქმედა, რომ იგი დღეების მანძილზე ხმას არ იღებდა და დასაფლავებასაც არ დაესწრო. [12] შინ ცხოვრება იშვიათად მშვიდი იყო, იგი ხშირად ეჩხუბებოდა დედას, რომელიც სოციალური მუშაკის მიერ ერთხელ აღწერილი იქნა, როგორც „ძალიან საეჭვო, თითქმის პარანოიკი“. როდესაც მისი შვილი ცნობილი გახდა, დების აღიზინებდა ნებისმიერი მითითება, თითქოს იგი იდეალურზე ნაკლები დედა იყო. იგი ამტკიცებდა, რომ იცავდა ემინემს და მნიშვნელოვანი როლი შეასრულა მის წარმატებაში. 1987 წელს დებიმ შეიფარა სახლიდან გაქცეული კიმბერლი ენ „კიმ“ სკოტი. რამდენიმე წლის შემდეგ ემინემმა უკანასკნელთან სასიყვარულო ურთიერთობა დაიწყო. [11] ბიჭმა სამი წელი მეცხრე კლასში გაატარა, ვინაიდან გაკვეთილებს აცდენდა და ცუდი ნიშნები ჰქონდა[17]. 17 წლის ასაკში მან დატოვა ლინკოლნის სახელობის სკოლა. მიუხედავად იმისა, რომ მას აინტერესებდა ინგლისური ენის შესწავლა, ლიტერატურა არ იტაცებდა (უფრო მეტად კომიქსები აინტერესებდა) და არ იზიდავდა მათემატიკისა და სოციალურ მეცნიერებათა შესწავლაც. [18] მან რამდენიმე სამსახური გამოიცვალა, ეხმარებოდა რა დედას კომუნალური გადასახადების გადახდაში, თუმცა ტრადიციად იქცა მისი სამსახურიდან გაგდებაც. როდესაც დედა ბინგოს სათამაშოდ დადიოდა, იგი რთავდა მაგნიტოფონს და ტექსტებს წერდა. [12]
14 წლი ასაკში ემინემმა დაიწყო რეპი, სკოლის მეგობარ მაიკ რუბისთან ერთად. მან ფსევდონიმად აიღო M&M, ხოლო უკანასკნელმა - Manix. M&M მოგვიანებით იქცა Eminem-ად. [1][11] ემინემი მალე ისე დაოსტატდა, რომ მზად იყო, მონაწილეობა მიეღო რეპ-შეჯიბრებში, რისთვისაც ხოლმე მეგობარ Proof-თან ერთად მეზობლად, ოსბორნის სახელობის სკოლაში იპარებოდა. [19] შაბათობით ორი მეგობარი ესწრებოდა ღია მიკროფონის შეჯიბრებს Hip-Hop Shop-ში, რომელიც West 7 Mile-ზე მდებარეობდა. ეს ადგილი ითვლებოდა დეტროიტის რეპ-სცენის ერთგვარ „ეპიცენტრად“. [12] ინდუსტრიაში ძირითადად შავკანიანები დომინირებდნენ, მაგრამ ემინემი ანდერგრაუნდში მოიწონეს. [1][20][21] სტროფის შედგენისას მას სჭირდებოდა სიტყვების გარითმვა, ამიტომ ემინემი ქაღალდზე გრძელ სიტყვებს ან ფრაზებს წერდა და ვარჯიშობდა ყოველი მარცვალის წარმოთქმაში. [18] მიუხედავად იმისა, რომ ხშირად შედეგი უმნიშვნელო იყო, ამ ვარჯიშებმა დიდი პრაქტიკა შესძინეს. [18] მზარდი პროფილისა და რეპუტაციის გამო იგი რამდენიმე რეპ-ჯგუფში მიიწვიეს. აქედან პირველი იყო New Jacks, რომელიც მოგვიანებით დაიშალა. ემინემი შეუერთდა Soul Intent-ს, რომელმაც 1995 წელს სინგლი გამოსცა. [1] მის ჩაწერაში აგრეთვე მონაწილეობდა Proof. ორმა რეპერმა ჩამოაყალიბა D12, რომელშიც სულ ექვსი წევრი შედიოდა. იგი უფრო წარმოადგენდა Wu-Tang-ის სტილის კოლექტივის, ვიდრე ხშირი მოღვაწეობის მქონე ჯგუფს. [12] კანონთან პრობლემები ემინემს პირველად 20 წლის ასაკში ჰქონდა, როდესაც იგი დააპატიმრეს პეინტბოლის იარაღიდან მანქანიდან სროლისთვის. მიუხედავად იმისა, რომ საღებავიანი ყუმბარები არ აფეთქებულა, იგი მაინც იქნა დაპატიმრებული. თუმცა, საქმის განხილვა შეწყდა, როდესაც მსხვერპლი სასამართლოში არ გამოცხადდა. [11]
1996–99: ადრეული კარიერა, Infinite და The Slim Shady LP[რედაქტირება]
მალე ემინემმა FBT Productions-თან კონტრაქტი გააფორმა. კომპანიას ჯეფ და მარკ ბეისები მართავდნენ. აქ რეპერმა სადებიუტო დისკი, Infinite ჩაწერა, რომელიც Web Entertainment-ზე გამოიცა. [22] Infinite-ში მიმოხილული იქნა სხვადასხვა თემა, როგორიც იყო იმჟამად ახლადშობილი შვილის, ჰეილი ჯედ სკოტ მეზერსის აღზრდის პრობლემა, როდესაც თავად ემინემის ფინანსური შესაძლებლობები შეზღუდული იყო. ამ პერიოდში ემინემის რეპის სტილზე გავლენა ჰქონდა Nas-სა და AZ-ს. მის შემოქმედებაში არ იყო კომედიური ძალადობრივი ირონია, რომელიც მოგვიანებით გამოიკვეთა. [23] Infinite-ით დეტროიტის დიჯეები არ დაინტერესდნენ. სხვადასხვა შეფასებასთან ერთად, მას უთხრეს: „იქნებ, როკ-ენ-როლში გეცადა ბედი?“, რის გამოც მან უფრო აგრესიული და ცუდი გუნებით გაჯერებული სიმღერების შექმნა დაიწყო. [12] ამ პერიოდში იგი და კიმი ცხოვრობდნენ რაიონში, რომელშიც კრიმინალის მაღალი დონე იყო. მათი სახლი რამდენიმეჯერ გაქურდეს. [12] რეპერს ჰქონდა დაბალანაზღაურებადი სამუშაო Gilbert's Lodge-ში (სენ კლერ შორზი, მიჩიგანი), სადაც იგი რეცხავდა და საჭმელს ამზადებდა. [24] ყოფილი უფროსი მას აღწერდა, როგორც სამაგალითო თანამშრომელს, რომელიც ხოლმე კვირაში, ჰეილის დაბადების შემდეგ ექვსი თვის მანძილზე 60 საათის განმავლობაშიც მუშაობდა. [11] შობამდე იგი სამსახურიდან იქნა გათავისუფლებული: „შობამდე დაახლოებით ხუთი დღე რჩებოდა. მისთვის რამის საყიდლად სულ 40 დოლარამდე მქონდა.“[12] Infinite-ის გამოსვლის შემდეგ ემინემის პირადმა პრობლემებმა და ნარკოტიკებისა და ალკოჰოლის ბოროტად გამოყენებამ კულმინაცია წარუმატებელი თვითმკვლელობის სახით იქონიეს. [1] 1997 წლის მარტისთვის იგი კიდევ ერთხელ გააგდეს Gilbert’s Lodge-იდან. ემინემი კვლავ დედასთან ცხოვრობდა, კიმთან და ჰეილისთან ერთად. [11]
ყველაფერი შეიცვალა, როდესაც ემინემმა შექმნა სადისტური, ულტრა ძალადობრივი ალტერ ეგო Slim Shady. ეს პერსონაჟი იყო „ნარკოდილერი, სისხლს მოწყურებული კრიმინალი, რომელიც ისროდა გააფთრებულ ლექსებს მკვლელობაზე, გაუპატიურებაზე, ნარკოტიკებსა და ურბანისტული რეჟიმის ცხოვრების წესებზე“, რაც ეფუძნებოდა ემინემის გაშმაგებასა და გულისწყრომას. [11] 1997 წლის გაზაფხულზე მან ჩაწერა სადებიუტო EP, The Slim Shady EP, რომელიც იმავე წლის ზამთარში Web Entertainment-მა გამოსცა.[12]EP-ში ნახსენებია ნარკოტიკების მოხმარება, სექსუალური აქტები, ფსიქიური მერყეობა და ზეძალადობა. აგრეთვე მიმოიხილება სიღარიბე, ქორწინება, ოჯახთან დაკავშირებული სირთულეები და ჟღერს მისი პირდაპირი პროტესტი კრიტიკის მიმართ. [1] ჰიპ-ჰოპ ჟურნალში The Source 1998 წლის მარტში დაიწერა სტატია ემინემზე, სვეტში „Unsigned Hype“. [25] გამოსახლების შემდეგ 1997 წელს ემინემი ლოს-ანჯელესში, შეჯიბრში Rap Olympics მონაწილეობის მისაღებად გაემგზავრა. უკანასკნელი წარმოადგენდა ყოველწლიურ ფართო რეპ-შეჯიბრის სახის მქონე ღონისძიებას. იგი მეორე ადგილზე გავიდა და მისი შემოქმედებით დაინტერესდა Interscope Records, რომლის წარმომადგენელი ესწრებოდა ამ კონკურსს. მან Slim Shady EP-ის ასლი ლეიბლის აღმასრულებელ დირექტორ ჯიმი აიოვაინს გაუგზავნა. უკანასკნელმა ფირი Dr. Dre-ს მოასმენინა, რომელიც Aftermath Entertainment-ის დამაარსებელი იყო. Dr. Dre იხსენებდა: „რაც მუსიკალურ ინდუსტრიაში ვარ, დემო ფირებზე ან CD-ებიდან არაფერი აღმომიჩენია. როდესაც ჯიმიმ ჩამირთო, ვიფიქრე - იპოვე. ახლავე.“ კოლეგებმა Dr. Dre გააკრიტიკეს თეთრი რეპერის მხარდაჭერის გამო, მაგრამ კვლავ დარწმუნებულები იყვნენ მის გადაწყვეტაში: „არ მადარდებს, თუ გინდ იისფერი იყავი. თუკი შეგიძლია, მე შენთან ვმუშაობ.“[12] ემინემისთვის Dr. Dre კერპი იყო იმ დროიდან, რაც მოზარდობისას N.W.A-ს უსმენდა და ამიტომ მასთან ერთად ალბომზე მუშაობის წინ ღელავდა: „არც მისი ვარსკვლავური სტატუსი გამო ძალიან შეშლა მსურდა და არც მის ზედმეტად პატივისცემა...უბრალოდ ვიყავი პატარა ბიჭუნა დეტროიტიდან. ვარსკვლავები არასოდეს მინახავს, Dr. Dre-ზე რომ არაფერი ვთქვათ.“[26] თუმც იგი Dr. Dre-სთან რამდენიმე წარმატებული ხმისჩამწერი სესიის შემდეგ უფრო მშვიდად მუშაობდა. [27]
The Slim Shady LP რეპერმა 1999 წლის თებერვალში გამოუშვა. იგი იყო იმ წლის ერთ-ერთი პოპულარული ალბომი. წლის ბოლოს RIAA-მ მას სამმაგი პლატინის სტატუსი მიანიჭა. [28] ალბომის პოპულარობასთან ერთად გაჩნდა დავა მისი ტექსტების გამო. სიმღერაში „'97 Bonnie and Clyde“ რეპერი ახსენებს მანქანით მოგზაურობას მცირეწლოვან შვილთან ერთად, რასაც მოჰყვება საბარგულიდან ცოლის გვამის ამოღება და მისი გადაგდება. „Guilty Conscience“ სრულდება სცენით, რომელშიც რეპერი მამაკაცს შთააგონებს ცოლისა და მისი შეყვარებული მოკვლას. „Guilty Conscience“ აგრეთვე იყო Dr. Dre-ს და ემინემის მეგობრობისა და მუსიკალური უღელის დასაწყისი. შემდგომში ისინი ერთად გამოჩნდნენ მრავალ სიმღერაში, როგორიც იყო „Forgot About Dre“ და „What's the Difference“ Dr. Dre-ს ალბომ 2001-დან, „Bitch Please II“ The Marshall Mathers LP-დან და „Say What You Say“ The Eminem Show-დან, „Encore/Curtains Down“ Encore-იდან და „Old Time's Sake“ და „Crack a Bottle“ Relapse-იდან. Dr. Dre დამატებითი ვოკალის სახით ჩნდებოდა ემინემის მიერ Aftermath-ზე გამოცემული თითო ალბომის სულ ცოტა, ერთ სიმღერაში. [29] The Slim Shady LP დღეისთვის აშშ-ში ოთხმაგი პლატინის სტატუსს ატარებს. მის გამოცემას მოჰყვა ემინემის დადანაშაულება ანდერგრაუნდულ რეპერ Cage-ის სტილის იმიტირებაში. [30][31]
სხვა პროექტები[რედაქტირება]
D12[რედაქტირება]
Searchtool-80%.png მთავარი სტატია : D12.
დისკოგრაფია[რედაქტირება]
Searchtool-80%.png მთავარი სტატია : ემინემის დისკოგრაფია.
სტუდიური ალბომები
Infinite (1996)
The Slim Shady LP (1999)
The Marshall Mathers LP (2000)
The Eminem Show (2002)
Encore (2004)
Relapse (2009)
Recovery (2010)
The Marshall Mathers LP 2 (2013)
ბიზნესი[რედაქტირება]
Shady Records
Shade 45 Sirius
Shady Ltd. Clothing
Shady Games
Eight Mile Style LLC[32]
The Marshall Mathers Foundation
Shady Films
რესურსები ინტერნეტში[რედაქტირება]
ოფიციალური საიტი
ოფიციალური YouTube არხი
ოფიციალური Vevo არხი
ემინემი — კინოფილმების ინტერნეტ მონაცემთა ბაზა (ინგლისური)
სქოლიო[რედაქტირება]
↑ 1.0 1.1 1.2 1.3 1.4 1.5 Ankeny, Jason; Torreano, Bradley (2006). Eminem – Biography. Allmusic. წაკითხვის თარიღი: 2008-01-30.
↑ Best of the 2000s: The Decade In Charts and More. Billboard (December 7, 2009). წაკითხვის თარიღი: 2012-03-30.
↑ The Immortals: Rolling Stone. Rolling Stone. დაარქივებულია ორიგინალიდან 2008-10-16-ში. წაკითხვის თარიღი: 2008-10-20.
↑ By Chris Molanphy (August 15, 2011). Introducing the King of Hip-Hop. Rolling Stone. წაკითხვის თარიღი: 2011-08-20.
↑ “Reading Festival Line-Up: Eminem“, Reading Festival, 2012-12-11. წაკითხვის თარიღი: 2013-07-03.
↑ Business Wire (January 5, 2012). The Nielsen Company & Billboard’s 2011 Music Industry Report. Business Wire. წაკითხვის თარიღი: 2012-03-30.
↑ Born in the U.S.A.: Top 50 Stars of the 50 States. Billboard. წაკითხვის თარიღი: 2013-08-25.
↑ Roberts, David (2006). British Hit Singles & Albums, 19th, London: Guinness World Records Limited, გვ. 137. ISBN 1-904994-10-5.
↑ 9.0 9.1 9.2 Nelson, Debbie (2008). My Son Marshall, My Son Eminem. Beverly Hills, CA: Phoenix Books. ISBN 1-59777-596-7.
↑ Ancestry of Eminem. Wargs.
↑ 11.0 11.1 11.2 11.3 11.4 11.5 11.6 11.7 Elrick, M.L. (July 25, 2000). „Eminem's dirty secrets“. წაკითხვის თარიღი: March 9, 2013.
↑ 12.00 12.01 12.02 12.03 12.04 12.05 12.06 12.07 12.08 12.09 12.10 12.11 12.12 12.13 Bozza, Anthony (April 29, 1999). „Eminem Blows Up“. Rolling Stone (811). ISSN 0035-791X. წაკითხვის თარიღი: March 9, 2013.
↑ Eminem's Long-Lost Sister Shocked By Relation. Contactmusic.com . წაკითხვის თარიღი: February 17, 2005.
↑ Eminem's mom gives her side of the story today.msnbc.com – November 6, 2008. Today.msnbc.msn.com (November 6, 2008). წაკითხვის თარიღი: May 24, 2010.
↑ (August 2010) Happy days. Spin. წაკითხვის თარიღი: July 31, 2011.
↑ Hilburn, Robert. “Has He No Shame?“, The Los Angeles Times, Tribune Company, May 14, 2000. წაკითხვის თარიღი: March 11, 2012.
↑ შეცდომა ციტირებაში არასწორი ტეგი <ref>; სქოლიოსათვის Britannica არ არის მითითებული ტექსტი; $2
↑ შეცდომა ციტირებაში არასწორი ტეგი <ref>; სქოლიოსათვის RS10 არ არის მითითებული ტექსტი; $2
↑ Bozza 2003
↑ შეცდომა ციტირებაში არასწორი ტეგი <ref>; სქოლიოსათვის Fox_News არ არის მითითებული ტექსტი; $2
↑ CBSNewsOnline (October 10, 2010). "YouTube – Eminem's Road to Stardom". Excerpt from 60 Minutes. YouTube.
↑ Bozza 2003
↑ Bozza 2003
↑ Bozza 2003
↑ Bozza 2003
↑ Bozza, 2003. p. 24
↑ Stubbs, 2006. p. 58
↑ Timeline. Rock on the Net. წაკითხვის თარიღი: April 23, 2008.
↑ Eminem and his ex-wife remarry. St. Petersburg Times. წაკითხვის თარიღი: April 23, 2008.
↑ Drumming, Neil. “Smut Peddlers: Split-Level Raunch“, Washington Post, February 14, 2001. წაკითხვის თარიღი: September 9, 2008.
↑ Dearborn, Matt, Duke. “Interview: His name is not Slim Shady“, University Wire, December 1, 2005. წაკითხვის თარიღი: September 9, 2008.
↑ შეცდომა ციტირებაში არასწორი ტეგი <ref>; სქოლიოსათვის apple2 არ არის მითითებული ტექსტი; $2
[ჩვენება]
ხ • გ • რ
ემინემი
[ჩვენება]
ხ • გ • რ
ემინემის სინგლების დისკოგრაფია
კატეგორია: დაბადებული 1972ემინემიამერიკელი მსახიობებიამერიკელი რეპერები
სანავიგაციო მენიუ
ანგარიშის შექმნაშესვლასტატიაგანხილვაკითხვარედაქტირებაისტორია
მთავარი გვერდი
თემატური ძიება
რჩეული სტატიები
ნებისმიერი გვერდი
ახალი გვერდები
მონაწილეობა
ინფორმაცია
დახმარება
ფორუმი
ბოლო ცვლილებები
შემოწირულობები
დაბეჭდვა/ექსპორტი
ხელსაწყოები
სხვა ენებზე
Alemannisch
Aragonés
العربية
Azərbaycanca
Boarisch
Беларуская
Беларуская (тарашкевіца)
Български
Bahasa Banjar
বাংলা
Bosanski
Català
Cebuano
کوردی
Čeština
Cymraeg
Dansk
Deutsch
Ελληνικά
English
Esperanto
Español
Eesti
Euskara
فارسی
Suomi
Français
Frysk
Gaeilge
Galego
עברית
हिन्दी
Hrvatski
Magyar
Հայերեն
Bahasa Indonesia
Íslenska
Italiano
日本語
Basa Jawa
ಕನ್ನಡ
한국어
Kurdî
Latina
Lëtzebuergesch
Lumbaart
Lietuvių
Latviešu
Македонски
മലയാളം
Монгол
मराठी
Bahasa Melayu
မြန်မာဘာသာ
مازِرونی
Napulitano
Plattdüütsch
नेपाली
Nederlands
Norsk nynorsk
Norsk bokmål
Occitan
Kapampangan
Polski
Português
Română
Русский
Саха тыла
Sicilianu
Srpskohrvatski / српскохрватски
Simple English
Slovenčina
Slovenščina
Soomaaliga
Shqip
Српски / srpski
Seeltersk
Svenska
Kiswahili
தமிழ்
ไทย
Tagalog
Türkçe
Українська
اردو
Oʻzbekcha
Vèneto
Tiếng Việt
ייִדיש
Yorùbá
中文
ბმულების რედაქტირება
ეს გვერდი ბოლოს განახლდა 09:42, 10 აპრილი 2014.
ტექსტი ვრცელდება Creative Commons Attribution-ShareAlike ლიცენზიით; და შესაძლოა არსებობდეს დამატებითი პირობები. იხილეთ გამოყენების პირობები დამატებითი ინფორმაციისთვის.
ვიკიპედია® არის არამომგებიანი ორგანიზაცია Wikimedia Foundation, Inc.-ის რეგისტრირებული სავაჭრო ნიშანი.
დაგვიკავშირდით
Присоединяйтесь к ОК, чтобы подписаться на группу и комментировать публикации.
Нет комментариев