Предыдущая публикация
Китоб тўла жавоним,
Дўст-у ёр, қадрдоним,
Оҳ, қанчалар соғиндим.
Қишлоғим йўлларини,
Рохатбахш сувларини,
Синглим эккан гулларни,
Оҳ, қанчалар соғиндим.
Мунис Онам кўзларин,
Насихатгўй сўзларин,
Ўстирган ялпизларин,
Оҳ, қанчалар соғиндим.
Мен чангитган кўчалар,
Мен йиғлатган қизчалар,
Онам ёпган кулчалар,
Оҳ, қанчалар соғиндим.
Деди-деди миш-мишлар,
Эски юмуш, ташвишлар,
Ўша ёз, ўша қишлар,
Оҳ, қанчалар соғиндим.
Қишлоғимиз тўйларин,
Байрамларин, куйларин,
Олма гулин бўйларин,
Оҳ, қанчалар соғиндим.
Қачон боргум билмайман,
Ўзимча кун санайман,
Баъзан ўксиб йиғлайман,
Оҳ, қанчалар соғиндим.
Исмоил ҚАМБАРИЙ
Присоединяйтесь к ОК, чтобы подписаться на группу и комментировать публикации.
Нет комментариев