Кўзларингни соғиндим Чарос,
Мени бунда хор айлагунча,
Дор этибон кокилингга ос,
Кўзларингни соғиндим Чарос.
Кулгуларинг қўмсайман ҳар он,
Дийдорингга етарман қачон,
Сени сўраб бўғзимдадир жон,
Энди кимлар этгайдур эъзоз,
Кўзларингни соғиндим Чарос.
Соғиняпман сени қанчалар,
Гувох эрур ойдин кечалар,
Сўроқларим ортар бунчалар,
Нечун мендан кетдинг сен бехос,
Кўзларингни соғиндим Чарос.
Сени излаб йўллар адашди,
Соғинчингда йиллар қалашди,
Армонларга жоним талашдир,
Изларингни қучганларим рост,
Кўзларингни соғиндим Чарос.
Сенга қилган оҳларим хаққи,
Юракдаги доғларим хаққи,
Мен-ла ўтган чоғларинг хаққи,
Хеч бўлмаса битта мактуб ёз,
Кўзларингни соғиндим Чарос.
Исмоил ҚАМБАРИЙ
Присоединяйтесь к ОК, чтобы подписаться на группу и комментировать публикации.
Комментарии 5