Предыдущая публикация
Хозир дунё кўзларимга тор.
Бахтимиздан бураяпмиз юз,
На сизда мен, на менда сиз бор!
Биласизми, ишқ сизга хато,
Ва мен қилган орзулар эсиз!
Икки шахар аросат аро,
На мен боргум, на келасиз сиз!
Зарур эмас ҳеч қандай изоҳ,
Баҳоналар кимга ҳам керак?!
На мендаю, на сизда гуноҳ,
Буйсунмайди бизларга юрак!
Кўп куюнманг, ҳаммаси яхши,
Эҳ, неларга қилмадик тоқат!
Битта кўнгил синса, синибди,
Ўлса, ўлар битта мухаббат!
Қайтаверар беор баҳорлар,
Ҳеч ғурурни ғамини емай.
Тунни бадном қилар наҳорлар,
На мени деб, на сизни демай!
Борлигим ғам, йўғингиз қайғу,
Кимдан чиқди ўзи бу қарор!
Иккимиз ҳам яшаяпмизу,
На мен бахтли, на сиз бахтиёр!
Малика Тавфиқ
Присоединяйтесь к ОК, чтобы подписаться на группу и комментировать публикации.
Нет комментариев