Биласанми, сен билан осмонимиз бир,
Кўнглимиз, дилимиз, хаёлимиз бир.
Хаттоки самолар бўйлаган қадар,
Севгимиз, ишқимиз, дунёйимиз бир.
Яна бир шундайин ўхшашлик бизда,
Гоҳ қувноқ, гоҳ ғамгин кўз ёшимиз бир.
Бирон ўлкада йўқ, бизда мужассам,
Қишимиз, ёзимиз, баҳоримиз бир.
Биласанми, сен билан осмонимиз бир,
Тунда кулиб боққан, юлдузимиз бир.
Хаттоки васлимиз интизор кутган,
Аллоҳ ҳадя этган кундузимиз бир.
Биласанми яна бирхиллик бизда,
Дардимиз, қадримиз, қайғуйимиз бир.
Ҳатто мен ва сенсиз нафас олмаган,
Дук-дук этиб турган юрагимиз бир.
Биласанми, сен билан ватанимиз бир,
Еримиз, сувимиз, чанқоғимиз бир.
Кун келиб дунёни тарк этар бўлсак,
Борарки жойимиз тупроғимиз бир...
Биласанми сен билан армонимиз бир...
Присоединяйтесь к ОК, чтобы подписаться на группу и комментировать публикации.
Нет комментариев