Предыдущая публикация
ҚУРЪОН ШАФОАТ ҚИЛУВЧИ ХОМИЙ ВА ТАСДИҚЛАНГАН ҚУРИҚЧИДИР ....
------------
Бисмиллаҳир роҳманир роҳийм
« ﺍﻟْﻘُﺮْﺁﻥُ ﺷَﺎﻓِﻊٌ ﻣُﺸَﻔِّﻊٌ , ﻭَﻣَﺎﺣِﻞٌ ﻣُﺼَﺪَّﻕٌ , ﻣَﻦْ ﺟَﻌَﻠَﻪُ ﺃَﻣَﺎﻣَﻪَ ﻗَﺎﺩَﻩُ ﺇِﻟَﻰ ﺍﻟْﺠَﻨَّﺔِ ﻭَﻣَﻦْ ﺟَﻌَﻠَﻪُ ﺧَﻠْﻔَﻪُ ﺳَﺎﻗَﻪُ ﺇِﻟَﻰ ﺍﻟﻨَّﺎﺭِ »
«Қуръон шафоат қилувчи ҳомий ва тасдиқланган қўриқчидир. Ким уни ўзидан олдинга ўтказса, уни жаннатга бошлаб боради, ким уни ўзидан ортда қолдирса, уни дўзахга ҳайдаб боради». Бу ҳадисни ибн Ҳиббон Жобир ибн Абдуллоҳдан, Байҳақий эса ҳам Жобир, ҳам ибн Масъуддан ривоят қилган ва у саҳиҳ ҳадисдир.
« ﺇِﻥَّ ﺍﻟﻠَّﻪَ ﻳَﺮْﻓَﻊُ ﺑِﻬَﺬَﺍ ﺍﻟْﻜِﺘَﺎﺏِ ﺃَﻗْﻮَﺍﻣًﺎ ﻭَﻳَﻀَﻊُ ﺑِﻪِ ﺁﺧَﺮِﻳﻦَ»
«Албатта Аллоҳ бу Китоб билан бир қанча қавмларни юксалтиради, бошқаларни эса пастлатади».
Муслим ривояти.
« ﻳُﻘَﺎﻝُ ﻟِﺼَﺎﺣِﺐِ ﺍﻟْﻘُﺮْﺁﻥِ ﺍﻗْﺮَﺃْ ﻭَﺍﺭْﺗَﻖِ ﻭَﺭَﺗِّﻞْ ﻛَﻤَﺎ ﻛُﻨْﺖَ ﺗُﺮَﺗِّﻞُ ﻓِﻲ ﺍﻟﺪُّﻧْﻴَﺎ , ﻓَﺈِﻥَّ ﻣَﻨْﺰِﻟَﺘَﻚَ ﻋِﻨْﺪَ ﺁﺧِﺮِ ﺁﻳَﺔٍ ﺗَﻘْﺮَﺅُﻫَﺎ »
«Қуръон соҳибига: «Дунёда ўқиганингдек Қуръонни қироат билан ўқи ва юксал, чунки сенинг мақоминг охирги ўқиган оятинг даражасида бўлади», дейилади». Бу ҳадисни Абу Довуд ва Термизий ривоят қилган.
« ﺍﻗْﺮَﺀُﻭﺍ ﺍﻟْﻘُﺮْﺁﻥَ ﻭَﺍﻋْﻤَﻠُﻮﺍ ﺑِﻪِ ﻭَﻻَ ﺗَﺠْﻔُﻮﺍ ﻋَﻨْﻪُ ﻭَﻻَ ﺗَﻐْﻠُﻮﺍ ﻓِﻴﻪِ ﻭَﻻَ ﺗَﺄْﻛُﻠُﻮﺍ ﻭَﻻَ ﺗَﺴْﺘَﻜْﺜِﺮُﻭﺍ ﺑِﻪِ »
«Қуръон ўқинглар, унга амал қилинглар, ундан бегоналашманглар, унинг борасида ҳаддан ошманглар, у билан тирикчилик ўтказманглар ва бойиманглар». Бу ҳадисни Аҳмад, Табароний ва бошқалар Абдурраҳмон ибн Шиблдан ривоят қилган ва у саҳиҳ ҳадисдир.
« ﻣَﺜَﻞُ ﺍﻟْﻤُﺆْﻣِﻦِ ﺍﻟَّﺬِﻱ ﻳَﻘْﺮَﺃُ ﺍﻟْﻘُﺮْﺁﻥَ ﻣَﺜَﻞُ ﺍﻷُﺗْﺮُﺟَّﺔِ ﻃَﻌْﻤُﻬَﺎ ﻃَﻴِّﺐٌ ﻭَﺭِﻳﺤُﻬَﺎ ﻃَﻴِّﺐٌ , ﻭَﻣَﺜَﻞُ ﺍﻟْﻤُﺆْﻣِﻦِ ﺍﻟَّﺬِﻱ ﻻَ ﻳَﻘْﺮَﺃُ ﺍﻟْﻘُﺮْﺁﻥَ ﻣَﺜَﻞُ ﺍﻟﺘَّﻤْﺮَﺓِ ﻃَﻌْﻤُﻬَﺎ ﻃَﻴِّﺐٌ ﻭَﻻَ ﺭِﻳﺢَ ﻟَﻬَﺎ , ﻭَﻣَﺜَﻞُ ﺍﻟْﻤُﻨَﺎﻓِﻖِ ﺍﻟَّﺬِﻱ ﻳَﻘْﺮَﺃُ ﺍﻟْﻘُﺮْﺁﻥَ ﻣَﺜَﻞُ ﺍﻟﺮَّﻳْﺤَﺎﻧَﺔِ ﺭِﻳﺤُﻬَﺎ ﻃَﻴِّﺐٌ ﻭَﻃَﻌْﻤُﻬَﺎ ﻣُﺮٌّ , ﻭَﻣَﺜَﻞُ ﺍﻟْﻤُﻨَﺎﻓِﻖِ ﺍﻟَّﺬِﻱ ﻻَ ﻳَﻘْﺮَﺃُ ﺍﻟْﻘُﺮْﺁﻥَ ﻛَﻤَﺜَﻞِ ﺍﻟْﺤَﻨْﻈَﻠَﺔِ ﻃَﻌْﻤُﻬَﺎ ﻣُﺮٌّ ﻭَﻻَ ﺭِﻳﺢَ ﻟَﻬَﺎ »
«Қуръон ўқийдиган мўмин, таҳми ҳам, бўйи ҳам ширин утружжа мевасига ўхшайди. Қуръон
ўқимайдиган мўмин, таъми ширину, ҳиди йўқ хурмога ўхшайди. Қуръон ўқийдиган мунофиқ, бўйи ширину, таъми аччиқ райҳонга ўхшайди. Қуръон ўқимайдиган мунофиқ, таъми ҳам аччиқ, ҳиди ҳам аччиқ ҳанзалага ўхшайди». Бу ҳадисни Бухорий ва Муслим Абу Мусо ал-Ашъарийдан ривоят қилганлар.
« ﺗَﻌَﺎﻫَﺪُﻭﺍ ﺍﻟْﻘُﺮْﺁﻥَ ﻓَﻮَﺍﻟَّﺬِﻱ ﻧَﻔْﺲُ ﻣُﺤَﻤَّﺪٍ ﺑِﻴَﺪِﻩِ ﻟَﻬُﻮَ ﺃَﺷَﺪُّ ﺗَﻔَﻠُّﺘًﺎ ﻣِﻦْ ﺍﻹِﺑِﻞِ ﻓِﻲ ﻋُﻘُﻠِﻬَﺎ »
«Қуръонни ўзингларга ўргатиб олинглар. Муҳаммаднинг жони Унинг қўлида бўлган зотга қасамки, у боғланган туядан ҳам қочоқроқ бўлади». Бу ҳадисни Бухорий ва Муслим Абу Мусо ал-Ашъарийдан ривоят қилганлар.
Хулоса шуки, айтиб ўтилган ояти карима ва ҳадиси шарифлар Қуръони Каримнинг буюк мартабасини, уни кўтариб юрган кишининг юксак мақомини кўрсатиб бераётир. Кишики, Қуръонни чанг бостириб, токчага ташлаб ёки зийнат, чирой учун китоб жавонига териб қўйгани йўқ. Уни ўқияпти, унга амал қиляпти, оятлари хусусида фикр юритяпти, кечаю кундуз унга ошно бўляпти. Натижада Қуръон унинг эзгулик йўлидаги туганмас тоқатига айланяпти. Шундай экан, азиз биродарлар, Қуръони Карим билан ошно бўлинглар, унинг тиловатига шошилинглар, оятлари хусусида фикр юритинглар, унга амал қилинглар, уни маҳкам ушланглар. Токи таъминглар ҳам, бўйинглар ҳам хуш бўлсин. Токи дунёдаги даъватни ёйишда ҳам, охиратдаги жаннатда ҳам олдинги сафларда бўлинглар. Токи сизларга ўқи ва юксал, дейилсин. Шу билан буюк ғалабага, улкан муваффақиятга, Аллоҳнинг ризосига лойиқ, деб топиласизлар.
} ﻭَﺑَﺸِّﺮْ ﺍﻟْﻤُﺆْﻣِﻨِﻴﻦَ {
– „(Эй Муҳаммад алайҳис-салом), иймонли кишиларга (жаннат) хушхабарини етказинг!“ [2:223]
} ﺇِﻥَّ ﻫَﺬَﺍ ﺍﻟْﻘُﺮْﺁﻥَ ﻳَﻬْﺪِﻱ ﻟِﻠَّﺘِﻲ ﻫِﻲَ ﺃَﻗْﻮَﻡُ ﻭَﻳُﺒَﺸِّﺮُ ﺍﻟْﻤُﺆْﻣِﻨِﻴﻦَ ﺍﻟَّﺬِﻳﻦَ ﻳَﻌْﻤَﻠُﻮﻥَ ﺍﻟﺼَّﺎﻟِﺤَﺎﺕِ ﺃَﻥَّ ﻟَﻬُﻢْ ﺃَﺟْﺮًﺍ ﻛَﺒِﻴﺮًﺍ {
– „Албатта, бу Қуръон энг тўғри йўлга ҳидоят қилур ва яхши амалларни қиладиган мўминларга катта ажр-мукофот борлигини(нг) хушхабар(ини) берур“, [17:9]
} ﻗَﺪْ ﺟَﺎﺀَﻛُﻢْ ﺭَﺳُﻮﻟُﻨَﺎ ﻳُﺒَﻴِّﻦُ ﻟَﻜُﻢْ ﻛَﺜِﻴﺮًﺍ ﻣِﻤَّﺎ ﻛُﻨْﺘُﻢْ ﺗُﺨْﻔُﻮﻥَ ﻣِﻦْ ﺍﻟْﻜِﺘَﺎﺏِ ﻭَﻳَﻌْﻔُﻮ ﻋَﻦْ ﻛَﺜِﻴﺮٍ ﻗَﺪْ ﺟَﺎﺀَﻛُﻢْ ﻣِﻦْ ﺍﻟﻠَّﻪِ ﻧُﻮﺭٌ ﻭَﻛِﺘَﺎﺏٌ ﻣُﺒِﻴﻦٌ + ﻳَﻬْﺪِﻱ ﺑِﻪِ ﺍﻟﻠَّﻪُ ﻣَﻦْ ﺍﺗَّﺒَﻊَ ﺭِﺿْﻮَﺍﻧَﻪُ ﺳُﺒُﻞَ ﺍﻟﺴَّﻼَﻡِ ﻭَﻳُﺨْﺮِﺟُﻬُﻢْ ﻣِﻦْ ﺍﻟﻈُّﻠُﻤَﺎﺕِ ﺇِﻟَﻰ ﺍﻟﻨُّﻮﺭِ ﺑِﺈِﺫْﻧِﻪِ ﻭَﻳَﻬْﺪِﻳﻬِﻢْ ﺇِﻟَﻰ ﺻِﺮَﺍﻁٍ ﻣُﺴْﺘَﻘِﻴﻢٍ {
– „Эй аҳли Китоб, мана, элчимиз (Муҳаммад алайҳис-салом) сизлар Китобингиз (Таврот, Инжил) орасидан яшириб келган (у зотнинг Пайғамбар бўлишлари ва яна бошқа зарур масалалар хусусидаги) кўп нарсаларни сизларга баён этган ҳолда (фақат сизларнинг сирларингизни очиб, шарманда қилиш учунгина ишлайдиган) кўп нарсаларни эса (баён қилмасдан) тарк этган ҳолда келди. Сизларга Аллоҳ тарафидан Нур ва Очиқ Китоб келдики, Аллоҳ у сабабли Ўзининг ризолигига эргашган зотларни нажот - омонлик йўлларига ҳидоят қилур ва Ўзи изну иродаси билан уларни зулматлардан нурга чиқарур ва уларни Тўғри Йўлга ҳидоят қилур“, [5:15,16]
} ﻛِﺘَﺎﺏٌ ﺃَﻧﺰَﻟْﻨَﺎﻩُ ﺇِﻟَﻴْﻚَ ﻟِﺘُﺨْﺮِﺝَ ﺍﻟﻨَّﺎﺱَ ﻣِﻦْ ﺍﻟﻈُّﻠُﻤَﺎﺕِ ﺇِﻟَﻰ ﺍﻟﻨُّﻮﺭِ ﺑِﺈِﺫْﻥِ ﺭَﺑِّﻬِﻢْ ﺇِﻟَﻰ ﺻِﺮَﺍﻁِ ﺍﻟْﻌَﺰِﻳﺰِ ﺍﻟْﺤَﻤِﻴﺪِ
{
– „(Эй Муҳаммад алайҳис-салом, бу Қуръон) сиз одамларни Парвардигорларининг изни-иродаси билан зулматлардан нурга - қудрат ва ҳамду сано Эгаси бўлган Зотнинг Йўлига - олиб чиқишингиз учун Биз сизга нозил қилган Китобдир“,
[14:1]
} ﺃَﻻَ ﺑِﺬِﻛْﺮِ ﺍﻟﻠَّﻪِ ﺗَﻄْﻤَﺌِﻦُّ ﺍﻟْﻘُﻠُﻮﺏُ {
– „… қалблари Аллоҳни зикр қилиш-эслаш билан ором олади…“,
[13:28]
} ﺃَﻓَﻼَ ﻳَﺘَﺪَﺑَّﺮُﻭﻥَ ﺍﻟْﻘُﺮْﺁﻥَ ﻭَﻟَﻮْ ﻛَﺎﻥَ ﻣِﻦْ ﻋِﻨْﺪِ ﻏَﻴْﺮِ ﺍﻟﻠَّﻪِ ﻟَﻮَﺟَﺪُﻭﺍ ﻓِﻴﻪِ ﺍﺧْﺘِﻼَﻓًﺎ ﻛَﺜِﻴﺮًﺍ {
– „Ахир улар Қуръон ҳақида фикр юритмайдиларми?! Агар у Аллоҳдан бошқа биров томонидан бўлса эди, унда кўп қарама-қаршиликларни топган бўлар эдилар-ку?!“ [4:82]
Пайғамбар с.а.в. айтадилар:
« ﺧَﻴْﺮُﻛُﻢْ ﻣَﻦْ ﺗَﻌَﻠَّﻢَ ﺍﻟْﻘُﺮْﺁﻥَ ﻭَﻋَﻠَّﻤَﻪُ »
«Сизларнинг энг яхшинглар Қуръонни ўрганиб, ўргатганинглардир». Бу ҳадисни Бухорий Усмон ибн Аффондан ривоят қилган.
« ﻣَﻦْ ﻗَﺮَﺃَ ﺣَﺮْﻓًﺎ ﻣِﻦْ ﻛِﺘَﺎﺏِ ﺍﻟﻠَّﻪِ ﻓَﻠَﻪُ ﺑِﻪِ ﺣَﺴَﻨَﺔٌ ﻭَﺍﻟْﺤَﺴَﻨَﺔُ ﺑِﻌَﺸْﺮِ ﺃَﻣْﺜَﺎﻟِﻬَﺎ ﻻَ ﺃَﻗُﻮﻝُ ﺍﻟﻢ ﺣَﺮْﻑٌ , ﻭَﻟَﻜِﻦْ ﺃَﻟِﻒٌ ﺣَﺮْﻑٌ , ﻭَﻟَﺎﻡٌ ﺣَﺮْﻑٌ , ﻭَﻣِﻴﻢٌ ﺣَﺮْﻑٌ »
«Кимки Аллоҳнинг Китобидан бир ҳарф ўқиса, унга бир яхшилик бўлур ва бу яхшилик ўзининг ўн баробар миқдорича бўлур. Мен Алиф Лом Мим бир ҳарф деяётганим йўқ, алиф бир ҳарф, лом бир ҳарф, мим бир ҳарф, деяпман». Бу ҳадисни Термизий Абдуллоҳ ибн Масъуддан ривоят қилган ва у саҳиҳ ҳадисдир.
« ﺍﻟْﻤَﺎﻫِﺮُ ﺑِﺎﻟْﻘُﺮْﺁﻥِ ﻣَﻊَ ﺍﻟﺴَّﻔَﺮَﺓِ ﺍﻟْﻜِﺮَﺍﻡِ ﺍﻟْﺒَﺮَﺭَﺓِ , ﻭَﺍﻟَّﺬِﻱ ﻳَﻘْﺮَﺃُ ﺍﻟْﻘُﺮْﺁﻥَ ﻭَﻳَﺘَﺘَﻌْﺘَﻊُ ﻓِﻴﻪِ ﻭَﻫُﻮَ ﻋَﻠَﻴْﻪِ ﺷَﺎﻕٌّ ﻟَﻪُ ﺃَﺟْﺮَﺍﻥِِ »
«Қуръон соҳасида моҳир киши улуғ, итоатли мирзолар билан бирга бўлур. Қуръон ўқишда қийналганидан тутилиб қоладиган киши учун икки ажр бордир». Бу ҳадисни Муслим Оиша yдан ривоят қилган.
« ﺇِﻥَّ ﺍﻟَّﺬِﻱ ﻟَﻴْﺲَ ﻓِﻲ ﺟَﻮْﻓِﻪِ ﺷَﻲْﺀٌ ﻣِﻦْ ﺍﻟْﻘُﺮْﺁﻥِ ﻛَﺎﻟْﺒَﻴْﺖِ ﺍﻟْﺨَﺮِﺏِ »
«Қорнида Қуръондан ҳеч нарса бўлмаган кимса харобага айланган уй кабидир». Бу ҳадисни Термизий ривоят қилган ва саҳиҳ деган.
« ﺍﻗْﺮَﺀُﻭﺍ ﺍﻟْﻘُﺮْﺁﻥَ ﻓَﺈِﻧَّﻪُ ﻳَﺄْﺗِﻲ ﻳَﻮْﻡَ ﺍﻟْﻘِﻴَﺎﻣَﺔِ ﺷَﻔِﻴﻌًﺎ ﻟِﺼَﺎﺣِﺒِﻪِ »
«Қуръон ўқинглар. Чунки у Қиёмат кунида эгасига шафоатгўй бўлиб келади». Бу ҳадисни Муслим Абу Умома Боҳилий р.а.дан ривоят қилган.
Следующая публикация
Нет комментариев