Предыдущая публикация
EPIGRAMMALAR
1.
Ja'riyaliliq qolay tu'sip birazg'a:
Ma'kiyen aylandi ata qorazg'a.
Mezgilli-mezgilsiz tinbay shaqirar,
Qa'ytip shaqirsa da endi haqi bar ...
2.
Ha'mel degen na'rse o'zi dim qiziq,
Bir jeri basqadan dim parq qiladi:
A'welinde maqtap, atqa mingizip,
Attan tu'serinde infarkt qiladi.
3.
Aral a'tirapinda "zor uris" boldi,
Saylaw waqtinda ko'p julqinis boldi.
At minip alg'an son' Araldi satip,
Eneg'arlar, ba'ri tim-tiris boldi ...
4.
Namazshamda bir sum bir sumdi tapti,
Ishkirneler ishten esikti japti.
Adamlardin' arasina ot taslap,
Tu'lki bolip aldap, iyt bolip qapti ...
5.
Kimde bolmas bendeshilik, aljasiq,
Aralasip jasar shin ha'm jalg'anin'.
Esitpedim du'kanshinin' aljasip,
Ziyat o'lshep, puldi kemis alg'anin.
(EPIGRAMMA - GREK SO'ZI, JAZIW. TURMISTAG'I UNAMSIZ NA'RSELER U'STINEN KU'LIWSHI, ONI QARALAWSHI QOSIQ).
Следующая публикация
Нет комментариев