Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон,Ҷаноби Олӣ муҳтарам Эмомалӣ Раҳмон зимни ҳар як суханрониҳои худ ҳамеша таъкид менамоянд, ки "Дасти ёрӣ дароз намудан ба ятимону бепарасторон, беморон, камбизоатону маъюбон ва пирону барҷомондагон яке аз фазилатҳои хуби инсонист"
Маҳз бо такя ба дастури супориш ва роҳнамоиҳои Сарвари давлатамон ташкилоти ҷамъиятии "Ормони дилҳо" тӯли се сол инҷониб ба ниёзмандон кӯмакҳои амалии худро расонида истодааст.
Бо дастгирии роҳбарияти маркази савдои "ЗАРРИНА" дар ошёнаи сеюм (паҳлуи чапи маркази савдои ПАЙВАНД) нуқтаи қабули сару либосҳо таъсис дода шуда ба фаъолият оғоз намуд.
Бо иштироки 15 нафар волонтёрону аъзоёни ташкилот санаи 29.03.2021 маросими ифтитоҳи мағозаи "Меҳрубонӣ" - и ташкилоти ҷамъиятии "Ормони дилҳо" баргузор гардид. Раиси ташкилот Раҳматулло Раҳимбоев баромад намуда, оиди ҳадафи таъсисёбии нуқтаи қабули лавозимотҳои истифодашаванда ҳарф зад. Қайд гардид, ки волонтёрони ташкилот дар мағоза ҳафтае се рӯз, рӯзҳои душанбе, чоршанбе, ҷумъа аз соати 08-00 то 17-00 фаъолият бурда, сару либосҳоро қабул ва ба ниёзмандон тақсим мекунанд. Онҳое, ки дар хона сару либосҳои хурдшуда ё худ зиёдатӣ доранд, метавонанд ба мағоза оварда супоранд. Онҳое, ки эҳтиёҷ ба сару либос доранд, метавонанд ба таври ройгон аз мағоза дилхоҳ сару либос ва лавозимотҳои лозимаро дастрас намоянд.
Дӯстони азиз! Ҳар яки мо дар хонаамон сару либосҳое дорем, ки ё аз сабаби танг шуданаш, ё худ аз сабаби харидории сару либоси нав онҳо аз истифода боз мондаанд. Одатан мо ба қадри он сару либосҳо нарасида, онҳоро месӯзонем ё худ ба партовгоҳҳо мепартоем, ки ин дуруст нест ва ҳатто гуноҳ ҳам ҳаст!
Имрӯзҳо нафароне эҳтиёҷманде пайдо мегарданд, ки фарзандони зиёд доранд ва қудрати ҳатто либосхарӣ надоранд.
Мо солҳои пеш ба сокинони шаҳри Исфара эълон намуда будем, ки агар дар хонаашон либосҳои истифодашавандаи аз истифодабариашон боз монда бошад, метавонанд тоза шуста ба қароргоҳи ташкилоти ҷамъиятии "Ормони дилҳо" оварда супоранд, то ки он нафарони эҳтиёҷманд истифода баранд. Онҳое, ки имрӯзҳо ба ташкилот барои кӯмак муроҷиат намуда истодаанд сару либоси ба худ мувофиқро гирифта дар ҳаққи нафарони хайрхоҳ дуои нек карда рафта истодаанд, ки ин амал аз сӯзонидан ва партофтан беҳтар аст!
На танҳо сару либос балки пойафзолҳо, лавозимотҳои изофагие ( мебель, яхдон, чойник ва дигар лавозимотҳои рӯзгор) ки дорем метавонем ба ин мағоза диҳем, то ки ниёзмандон истифода баранд. Оиди таъсиси мағозаи ройгон нақшаҳои зиёд дорем ва инак бо дастгирии саховатмандон ин мағоза ва нуқтаи қабули лавозимотҳои истифодашавандаи изофагиро таъсис додем.
Касоне, ки имконият доранд метавонанд, сару либосҳои хурдшудаи истифодашавандаи худро бо воситаи мо ба ниёзмандон супоранд!
Суроғаи мо: шаҳри Исфара, бозори марказӣ, маркази савдои "ЗАРРИНА" ошёнаи сеюм, паҳлӯи чапи мағозаи "Пайванд".
Тамос: 2-25-80;+992989191276;+992929951580;
+992987070583.+992981155551
ОРМОНИ ДИЛҲО-ДАРМОНИ ДИЛҲО!
29.03.2021.
Присоединяйтесь к ОК, чтобы подписаться на группу и комментировать публикации.
Нет комментариев