Тибқи дастуру супориш ва ҳидоятҳои Асосгузори сулҳу ваҳдати миллӣ-Пешвои милллат Президенти Ҷумҳурии Тоҷикистон Ҷаноби Олӣ муҳтарам Эмомалӣ Раҳмон дар мавриди дастгирии ятимону маъбон,беморон,камбизоатон ва пирону барҷомондагон ташкилоти ҷамъиятии "Ормони дилҳо" тӯли се сол инҷониб фаъолияти хайрхоҳонаи худро ба роҳ мондааст. Чанде пеш аниқтараш моҳи апрел аъзоёни ташкилот ба саҳифаи худ расмҳои хонаи истиқоматии сокини ҷамоати деҳоти Навгилем,деҳаи Шӯртангро, ки дар ҳолати садамавӣ қарор дошту имконияти дар он зиндагӣ кардан набуд гузошта буд. Ташкилот ба ин оилаи ниёзманд аз ҳисоби ҷамъоварии маблағҳои қуттиҳои хайриявии худ кӯмакпулӣ дода, онро аксбардорӣ намуда ҳамчун ҳисоботи кӯмак ба шабакаҳои интернетӣ ва саҳифаи худ гузошт. Дар фикру хаёли касе набуд, ки рӯзе мерасад, ки ба ин оила натанҳо кӯмаки пулӣ балки хонаи нави истиқоматӣ бо тамоми шароиташ тӯҳфа менамоянд. Пас аз чанде моҳи шарифи Рамазон, ки моҳи хайру эҳсон ба ҳисоб меравад фаро расид. Дар ин раванд шахси саховатманде оиди ин оилаи ниёзманд аз мо пурсон шуда, хостори кӯмак ба ин оилаи ниёзманд гаштанд. Инак иди саиди Фитр низ фаро расида буд. Марди саховатманд, ки Ҳоҷӣ буданд закоти моли худро барои бунёди иқоматгоҳ ва таъмири хонаи ин оила сарф намуданд. Бо саҳмгузории Ҳоҷӣ давоми 2 моҳ корҳои сохтмонӣ дар хонаи истиқоматии ин оила давом кард. Ҳамин тавр аз ид то ид хонаи истиқоматии ин оила деворбанд карда шуда, як хонаи нави замонавӣ бо даҳлезаш сохта ва як хонаи дигар пурра бо таъмираш яъне 2 хона,даҳлез,девор ва дарвозахона бунёд карда шуда шиферпӯш карда бо тамоми шароити зисташ дар арафаи таҷлили 29-умин солгарди Истиқлолияти давлатии Ҷумҳурии Тоҷикистон ба ин оилаи ниёзманд супорида шуд.
Хуш ба ҳоли он ки дар роҳи Худо,
Менамояд хайр бе ҳарфу садо.
Шояд навиштаҷоти мо ба нафароне писанд наояд, аммо мақсад аз паҳнсозии чунин амали эҳсонкорона ин зиёд гардидани чунин накӯкориҳо мебошад. Ва умедворем ки ин хабар намунаи ибрат ва ҳавасмандгардонии дигар сарватмандон хоҳад гашт. Худованд аз риё ҳамаи моро дур созад.Чун мегӯянд хайроти саховатмандонро овоза ва паҳн созед, то ки хайрашон ва савоби он зиёда гардад!!!
Аз даргоҳи Илоҳӣ дар ҳаққи Ҳоҷии муҳтарам талаб менамоем, ки Худованд хайрашонро ба даргоҳаш бе нуқсон қабул намуда, хайроти эшонро намунаи ибрат ба дигарон гардонида, аз раҳмати пурбаракоти хеш эшон ва аҳли пайвандонашонро баҳравар гардонад. Худовандо ба молу сарвати Ҳоҷӣ баракаҳои зиёд ато фармуда, ба муроду мақсадҳои дунявиву ухравиашон бирасонад. Он нафароне, ки барои амалигашти ин иқдоми хайр ҳам ҷисмониву ҳам зеҳнӣ заҳмат кашиданд Худовандо ба муроду мақсадҳои некашон бирасон! Худовандо Тоҷикистони азизамонро аз бадиҳо ва шарри бадхоҳон нигоҳ дошта амнияти устувори кишварамонро пойдор гардон! Худовандо сафи чунин Ҳоҷии саховатманди муҳтарам, марди Худотарсу боимонро, ки нахостанд оиди некиҳояшон ҳарфу садо бардошта бошем, дар мамлакатамон зиёда гардон.
Аз хонандаи ин матлаб бардоштани дасти дуоро дар ҳаққи Ҳоҷии саховатманд ва ташаббусскорони ин амали нек умедворем ва хоҳишмандем!!!
ОРМОНИ ДИЛҲО-БО МО БЕҲТАРИНҲО!!
РАҲМАТУЛЛО РАҲИМБОЕВ
ТҶ "ОРМОНИ ДИЛҲО"
Присоединяйтесь к ОК, чтобы подписаться на группу и комментировать публикации.
Нет комментариев